اتحادی افواج کے انخلاء کا عمل تیزی سے آگے بڑھ رہا ہے: صباح النعمان

سچ خبریں: عراق کی مسلح افواج کے کمانڈر ان چیف (وزیراعظم) کے ترجمان صباح النعمان نے اعلان کیا کہ اتحادی افواج کے انخلا کے بعد عراق اور داعش کے خلاف بین الاقوامی اتحاد کے مابین تعلقات کی نوعیت کا تعین کرنے کے لیے ایک کمیٹی بنانے کا حکم جاری کر دیا گیا ہے۔

انہوں نے مزید کہا کہ عراق سے بین الاقوامی اتحادی افواج کے انخلا کا عمل تیزی سے جاری ہے اور طے شدہ ٹائم ٹیبل کے مطابق آگے بڑھ رہا ہے۔

عراق کی مسلح افواج کے کمانڈر ان چیف کے ترجمان نے آخر میں تاکید کی کہ عراق میں اتحادی افواج کی تعداد میں کمی کا عمل کمانڈر ان چیف کے دفتر کی براہ راست نگرانی میں کیا جا رہا ہے۔