7 اکتوبر کے تمام ذمہ دار برطرف، سوائے نیٹن یاہو کے: یدیعوت آحارونوت

سچ خبریں: عبرانی زبان کے اخبار یدیعوت آحارونوت نے ناداو ایال کے قلم کے ذریعے صہیونیستی ریاست کے داخلی سیکیورٹی مشیر تساحی ہنگبی کی برطرفی کا حوالہ دیتے ہوئے شائع شدہ مضمون میں لکھا ہے کہ اب کوئی عذر باقی نہیں رہا۔ گذشتہ رات تساحی ہنگبی کی برطرفی کے ساتھ، اسرائیلی وزیر اعظم بنجمن نیٹن یاہو واحد اعلیٰ عہدیدار ہیں جنہوں نے 7 اکتوبر کی ناکامی کی ذمہ داری کی کوئی قیمت ادا نہیں کی۔

اخبار کا مزید کہنا ہے کہ اسرائیلی ریاست کے آرمی چیف، وزیر دفاع، شاباک (عام سیکیورٹی سروس) کے سربراہ، ملٹری انٹیلی جنس کے سربراہ، جنوبی کمانڈ کے کمانڈر، اور غزہ ڈویژن کے کمانڈر سب کے سب 7 اکتوبر کے واقعات کے بعد برطرف کیے جا چکے ہیں۔

یدیعوت آحارونوت نے زور دے کر کہا کہ اسرائیل کی تاریخ کی سب سے بڑی ناکامی میں جس کسی کا بھی کردار ہے، اسے اپنی ذمہ داری قبول کرنی چاہیے۔ لہٰذا، تمام تقریروں، پیغامات اور آنسوؤں کے باوجود، اس بار نیٹن یاہو کی باری ہے کہ وہ گھر واپس جائیں (یعنی عہدے سے رخصت ہوں)۔