سچ خبریں:یورپی یونین کی کونسل نے یوکرین کو ہتھیاروں کی خریداری کے لیے ایک ارب یورو مختص کرنے پر اتفاق کیا۔
یورپی یونین کی کونسل نے یوکرین کے لیے گولہ بارود اور ہتھیاروں کی خریداری کے لیے ایک ارب یورو مختص کرنے پر اتفاق کرتے ہوئے کہا کہ یہ بجٹ یورو فنڈ فار پیس فنڈ سے مختص کیا جائے گا۔
یوکرین کے وزیر خارجہ دیمتری کولبا نے بھی یورپی یونین کے اس اقدام کا خیر مقدم کرتے ہوئےایک ٹویٹر پیغام میں لکھا کہ میں یوکرین کو گولہ بارود کی مشترکہ فراہمی کے لیے ایک بلین یورو کی امداد کے دوسرے حصے کے ساتھ یورپی کونسل کے معاہدے کا خیرمقدم کرتا ہوں،انہوں نے کہا کہ یہ قدم یوکرین کی طویل مدتی دفاعی صلاحیتوں کو مضبوط کرے گا اور اسے روسی حملے کو شکست دینے میں مددگار ہو گا۔
یاد رہے کہ روس کی جانب سے مغربی ممالک کو یوکرین کو فوجی مدد فراہم کرنے اور اس ملک کو جنگی ساز و سامان بھیجنے کے بار بار انتباہ کے باوجود امریکہ نے بدھ کی شام کیف کے لیے ایک نئے امدادی پیکج کا اعلان کیا،یوکرین کے لیے 300 ملین ڈالر کی فوجی امداد کا اعلان کرتے ہوئے، امریکی حکومت نے کہا کہ پہلی بار اس پیکج میں Hydra 70نامی مختصر فاصلے تک مار کرنے والے میزائل شامل ہیں۔
روئٹرز خبر رساں ادارے کے مطابق یہ نئی فوجی امداد فروری 2022 میں ڈونباس کے علاقے میں روس کے خصوصی فوجی آپریشن کے آغاز کے بعد سے یوکرین کے لیے امریکی امداد کا 37 واں پیکج ہے، جس سے بھیجی جانے والی کل امداد 35.7 بلین ڈالر تک پہنچ گئی ہے،امریکی وزیر خارجہ انتھونی بلنکن نے اس نئے امدادی پیکج کے بارے میں ایک بیان میں کہا کہ امریکہ اور ہمارے اتحادی اور شراکت دار جب تک ضروری ہو یوکرین کے ساتھ متحد رہیں گے۔
