یمن کے المہرہ صوبے میں سعودی افواج کی موجودگی کے خلاف وسیع پیمانے پر مظاہرے

?️ 21 اگست 2021

سچ خبریں:یمن کے صوبہ المہرہ میں سعودی اور غیر ملکی افواج کی موجودگی کے خلاف ہزاروں یمنیوں نے بڑے پیمانے پر مظاہروں میں حصہ لیا۔
یمن کے صوبہ المہرہ میں عوام نےوسیع پیمانے پرمظاہروں میں یمنی جھنڈے اور بینرز اٹھا کر سعودی ، اماراتی اور غیر ملکی افواج کے خلاف نعرے لگائے، انہوں نے یمنی صوبوں پر سعودی قبضے کو مسترد کرتے ہوئے نعرے لگائے۔

مظاہرین نے سعودی اور اماراتی افواج کی موجودگی پرغم و غصے کا اظہار کرتے ہوئے اس بات پر زور دیا کہ جو بھی بحیرہ عرب میں جہاز رانی اور بین الاقوامی تجارت پر حملہ کرنے کی کوشش کرے گا وہ اس کا مقابلہ کریں گے۔

صوبہ المہرہ کے لوگوں کی طرف سے جاری کردہ بیان میں کہا گیا ہے کہ قبضہ کرنے کے منصوبے اور اس کے اوزاروں کو ناکام بنانے کے لیے قومی طاقتوں کو ایک ساتھ مل کرمقابلہ کرنا چاہیے اس لیے کہ قابض دہشت گردوں اور انتہا پسندوں کو المہرہ لانے کے لیے کوشاں ہیں۔

بڑے پیمانے پر مظاہروں کے دوران بیان میں کہا گیا ہے کہ المہرہ صوبہ سماجی بقائے باہمی کے منفرد نمونے کی نمائندگی کرتا ہے جو یکجہتی، تعاون اور بھائی چارے کے جذبے پر مبنی ہے،مظاہرین نے ایک بار پھر عالمی برادری ، اقوام متحدہ ، سلامتی کونسل اور دنیا کے تمام آزاد لوگوں سے مطالبہ کیا کہ وہ سعودی قابضین پر دباؤ ڈالیں کہ وہ صوبے کے تمام حصوں سے اپنی افواج واپس بلا لیں۔

انہوں نے ان تمام الزامات کی تردید کی کہ سعودی اور اماراتی قابض اس صوبے کے لوگوں کو ترقی دینےکوشش کر رہے ہیں،ساتھ ہی انہوں نے عالمی برادری کے سامنے المہرہ کی عوام کو بدنام کرنے کے لیے سعودی قابض کے استعمال کردہ طریقوں کی شدید مذمت کی، انہوں نے سرکاری ، ملٹری اداروں اور تنظیموں کو برقرار رکھنے اور صوبے کے امور کے انتظام میں آئین اور قوانین کے مطابق انہیں مضبوط کرنے میں اپنے مضبوط موقف کی تجدید کی۔