سچ خبریں:یمنی وزیر خارجہ کا کہنا ہے کہ ہم یمن بحران کا حل چاہتے ہیں تاہم موجودہ صورتحال ناقابل قبول ہے۔
المیادین چینل کی رپورٹ کے مطابق یمن کی قومی سالویشن گورنمنٹ کے وزیر خارجہ ہشام شرف نے یمن کے امور میں اقوام متحدہ کے نمائندے کے حالیہ بیانات کے جواب میں کہا کہ ہم نہ امن اور نہ ہی جنگ کی حالت کو قبول نہیں کرتے،انہوں نے مزید کہا کہ ہم یمن کے بحران کا ایسا حل چاہتے ہیں جس سے اس ملک کے عوام کو فائدہ پہنچے اور انہیں عزت ملے نیز ان کا سر بلند رہے۔
یمن کے وزیر خارجہ نے یہ بھی کہا کہ کوئی بھی ایسی جنگ بندی جس سے شہریوں کے مسائل حل نہ ہوں اور ان کے حالات بہتر نہ ہوں اسے جنگ بندی نہیں کہا جا سکتا بلکہ عارضی امن کہا جا سکتا ہے، یمنی امور کے لیے اقوام متحدہ کے خصوصی نمائندے ہانس گرنڈ برگ نے یمن میں جاری جنگ بندی کے اعدادوشمار اور اس میں توسیع کے امکانات کو پیش کرتے ہوئے کہا کہ ایک طویل اور وسیع جنگ بندی یمنیوں کے مفادات کے عین مطابق ہے۔
انہوں نے کہا کہ یہ جنگ بندی فریقین کے درمیان مزید اعتماد پیدا کرنے اور اقتصادی ترجیحات کے ساتھ ساتھ جنگ بندی سمیت سلامتی کی ترجیحات کے بارے میں سنجیدہ بات چیت شروع کرنے کی بنیاد بھی فراہم کرتی ہے۔