سچ خبریں: یمن کی تحریک انصار اللہ کے ترجمان نے غزہ کی حمایت میں اس ملک کے ٹھوس اور اصولی موقف پر تاکید کرتے ہوئے اعلان کیا ہے کہ قابضین کے ٹھکانوں پر حملے اس وقت تک جاری رہیں گے جب تک غزہ کی ناکہ بندی ختم نہیں ہو جاتی اور امداد کی ترسیل غزہ تک جاری رہے گی۔
المیادین نیوز چینل کی رپورٹ کے مطابق یمن کی انصار اللہ تحریک کے ترجمان محمد عبدالسلام نے اعلان کیا ہے کہ غزہ کی حمایت میں یمن کا موقف مستحکم ہے اور جاری رہے گا۔
یہ بھی پڑھیں: انصاراللہ کا انگوٹھا اسرائیل اور امریکہ کی شہ رگ پر
یمن کی انصار اللہ تحریک کے ترجمان نے X سوشل میڈیا پر ایک پیغام شائع کیا اور لکھا کہ غزہ کی حمایت میں یمن کا موقف اصولی اور مسلسل ہے اور جب تک صیہونی دشمن اپنے حملے اور غزہ کا مکمل محاصرہ جاری رکھے گا اور امداد کی ترسیل کو روکے گا، یمن بھی اپنے حملے جاری رکھے ،ہم قابضین کے مفادات کے خلاف حملے جاری رکھیں گے۔
واضح رہے کہ یمن نے اعلان کیا ہے کہ فلسطینی عوام اور مزاحمت کی حمایت کے لیے وہ صہیونی بحری جہازوں یا ان بحری جہازوں کو جن کی منزل مقبوضہ سرزمین کی بندرگاہیں ہیں بحیرہ عرب اور بحیرہ احمر سے گزرنے کی اجازت نہیں دے گا اور ان جہازوں کو نشانہ بنایا جائے گا۔
یاد رہے کہ یمنی فوج نے اس فریم ورک میں کامیاب کارروائیاں کی ہیں اور مقبوضہ علاقوں کی جنوبی بندرگاہوں کو بہت زیادہ اقتصادی نقصان پہنچایا ہے۔
مزید پڑھیں: بحیرہ احمر میں یمنیوں کی کاروائیاں کب تک جاری رہیں گی؟
لیکن دوسری طرف امریکی اور برطانوی اتحاد نے غزہ میں فلسطینی عوام کے خلاف صیہونی حکومت کے جرائم کی واضح حمایت کرتے ہوئے بحیرہ احمر میں جہاز رانی کی حمایت کے بہانے کئی بار یمنی سرزمین پر حملے کیے ہیں۔
