یمن میں ایک اور ہیروشیما

🗓️ 25 جولائی 2021

سچ خبریں:یمن پر حملے کے آغاز کے بعد سےاب تک سعودی اتحاد نے یمن کے صوبہ حجہ کے ایک شہر پر 15000 سے زیادہ میزائل اور بم گرکر اس شہر ملبے کے ڈھیر میں بدل دیا ہے۔
یمن کے شمال مغربی صوبے حجہ کے سرحدی قصبے حرض کے ایک مقامی عہدیدار نے سعودی-امریکی اتحاد کے حملوں کے نتیجہ میں اس شہرمیں ہونے والے نقصان کی تفصیلات بیان کرتے ہوئے المیسرہ چینل کو بتایا کہ جون 2015 میں سعودی اتحاد کے حملوں کے آغاز کے بعد سے اس شہر کے متعدد علاقوں اور تنصیبات پر 15000 سے زیادہ میزائل ، بم اور راکٹ مارے گئے ،انہوں نے مزید کہا حرض کے رہائشی مکمل طور پر بے گھر ہوچکے ہیں اور انہوں نے کیمپوں اور آس پاس کے شہروں میں پناہ لے رکھی ہے۔

انہوں نے مزید کہا کہ 70 سے زیادہ بنیادی ڈھانچہ کو مکمل طور پر تباہ کردیا گیا ہے جن میں سے بیشتر ہوٹل اور استراحتگاہیں ہیں نیز63 میں اسکولوں میں سے پچاس مکمل طور پر تباہ ہوگئےجبکہ باقیوں کو جزوی طور پر نقصان پہنچا ہے جس کی وجہ سے ہزاروں طلبہ تعلیم سے محروم ہوگئے ہیں،ذرائع نے مزید کہا کہ حرض کا پرانا حصہ سعودی اتحاد کے جنگی طیارون اور اس کے توپ خانوں نے مکمل طور پر تباہ کردیا ہے، 85 فیصد مکانات مکمل طور پر تباہ ہوگئے ہیں،انھوں نے مکانات ، دکانوں ، اسپتالوں ، سڑکوں بلکہ زندگی سے متعلق ہر چیز کو نشانہ بنایا ہے۔

انہوں نے زور دے کر کہا کہ حرض اور میدی شہروں کی حالت یہ ہے کہ پہلے مرحلے میں وہاں سے ملبہ اٹھانے کی ضرورت ہے اور پھر اس کی تعمیر نو شروع ہونے کی ضرورت ہے،واضح رہے کہ چھ سالوں سے سعودی عرب نے امریکہ اور صیہونی حکومت کی حمایت سے ایک اتحاد تشکیل دیا ہے جس نے یمن کے مختلف شہروں پر بڑے پیمانے پر حملے کیے ہیں، اس جنگ میں ہزاروں بے گناہ متاثرین کے علاوہ یمنی بنیادی ڈھانچہ کو بھی تباہ کردیا گیا ہے۔