یمنی مزاحمت اور جنگ کے سامنے سعودی میڈیا کی شکستوں پر ایک نظر

🗓️ 19 جنوری 2022

سچ خبریں:سعودی میڈیا عملی طور پر میڈیا اور نفسیاتی جنگ کے میدان میں حالات کو اپنے حق میں آگے بڑھانے کے لیے مزاحمتی گروہوں کی تمام پیش رفتوں اور فتوحات کو الٹا پیش کر رہا ہے۔
یمن کی جنگ میں عرب جارح اتحاد کی شکست کے بعد خلیج فارس کے بعض عرب ممالک کے میڈیا نے عراق پر امریکی حملے کے بارے میں ایک دستاویزی فلم کا استعمال کرتے ہوئے یمنی انصار اللہ گروپ پر بیلسٹک میزائل بنانے کا الزام لگایا تھا جس سے سوشل میڈیا کے کارکنوں کے غصے اور تضحیک نے جنم لیا اور عالمی رائے عامہ کے سامنے سعودی میڈیا کی پوزیشن کو داغدار کر دیا۔

سیاسی ماہرین اور تجزیہ کاروں کی بین الاقوامی تنظیم کی ویب سائٹ نے برطانوی قلمکار رابرٹ انلیکیش کے حوالے سے کہا ہے کہ ریاض اور ابوظہبی اور مغربی کمپنیوں کے زیر کنٹرول میڈیا تنظیمیں مزاحمت کے حامیوں کو گمراہ کرنے اور انھیں مزاحمت کے خلاف کرنے کی کوشش کر رہی ہیں جو ایک طویل ناکام مہم کے بعد مزاحمت پر حملہ کرنے کی آخری کوشش ہے۔

واضح رہے کہ سعودی اتحاد کو حال ہی میں یمن میں اپنی شکستوں کا سلسلہ جاری رکھتے ہوئے ایک بہت بڑی ذلت کا سامنا کرنا پڑا ہے جس میں الحدیدہ میں انصار اللہ کےمیزائلوں کے بجائے ایک امریکی فلم کے حصے دکھائے گئے جبکہ اس کلیپ بغداد کی ہے جو 10 اپریل 2003 کو امریکہ نے تیار کی تھی۔