یمنی فورسز نے صوبہ حجہ کے ایک اسٹریٹیجک علاقے کو کنٹرول میں لیا

🗓️ 4 مارچ 2022

سچ خبریں:  جارحین اور ان سے وابستہ عناصر کے خلاف جنگ میں یمنی فوج اور عوامی کمیٹیوں کی پیش قدمی کا سلسلہ مختلف محاذوں پر جاری ہے۔

یمنی فورسز نے حال ہی میں سعودی جارحیت پسند عناصر کے خلاف ایک نئی کامیابی حاصل کی ہے۔

رپورٹ کے مطابق یمنی فوج اور عوامی کمیٹیوں نے صوبہ الحدیدہ میں بڑے پیمانے پر آپریشن کے دوران اسٹریٹیجک الحتیرہ علاقے کا کنٹرول حاصل کرلیا۔ خطے پر قبضہ سعودی جارحیت پسند عناصر کے ساتھ شدید جھڑپوں کے بعد عمل میں آیا۔

گذشتہ ہفتے یمنی مسلح افواج کے ترجمان یحیی ساری نے اعلان کیا تھا کہ یمنی فوج اور عوامی کمیٹیوں نے صوبہ الحدیدہ میں ایک آپریشن کے دوران ایک امریکی ڈرون کو مار گرایا ہے۔

یمنی مسلح افواج کے ترجمان نے کہا ہے کہ یمنی فوج نے صوبہ حجہ کے آسمان میں ایک امریکی جاسوس ڈرون عقاب کو نشانہ بنایا اور مار گرایا۔ یہ کارروائی حج کے آسمان میں متذکرہ ڈرون کے ذریعے دشمنانہ کارروائیوں کے بعد کی گئی۔