یمنیوں کا مصر کے نام اہم پیغام

🗓️ 13 فروری 2024

سچ خبریں: یمن کی سپریم پولیٹیکل کونسل کے رکن محمد علی الحوثی نے غزہ کے عوام اور رفح کے باشندوں کے ساتھ اپنی یکجہتی کا سلسلہ جاری رکھتے ہوئے مصری حکام کے نام ایک پیغام میں رفح کے لوگوں کا دفاع کرنے کے لیے صنعا کا مصر کے ساتھ کردار ادا کرنے کے لیے آمادگی کا اظہار کیا۔

یہ بھی پڑھیں: یمن کی صیہونی مخالف کارروائیاں جاری

یمن کی سپریم پولیٹیکل کونسل کے رکن محمد علی الحوثی نے صیہونی حکومت کے خلاف اور غزہ کے طاقتور عوام کی حمایت نیز رفح کے باشندوں کے ساتھ اظہار یکجہتی کے لیے ایک تقریر میں تاکید کی ہے۔

انہوں نے مصری حکام کو پیغام دیا ہے کہ اگر مصر رفح کے لوگوں کے ساتھ کھڑا ہو گا تو ہم بھی مصر کے ساتھ کھڑے ہوں گے۔

الحوثی نے مزید کہا کہ ہم مصر کے ساتھ مضبوط، موثر اور فعال ہم آہنگی کے لیے تیار ہیں۔

مزید پڑھیں: یمنی عوام کا غزہ کے لیے اسلامی ممالک سے مطالبہ

یمن کی سپریم پولیٹیکل کونسل کے رکن نے کہا کہ ہمیں امید ہے کہ دیگر عرب ممالک غزہ کی پٹی میں رفح کے عوام کے ساتھ کھڑے ہوں گے تاکہ اسرائیلی حکومت کے خلاف مزاحمت پیدا کی جا سکے اور قابضین کو فلسطینیوں کے خلاف جرائم کا ارتکاب کرنے سے روکا جا سکے۔