ہيثم علی الطبطبائی ضاحیہ جنوبی بیروت پر اسرائیلی حملے میں شہید:حزب اللہ 

حزب اللہ

?️

ہيثم علی الطبطبائی ضاحیہ جنوبی بیروت پر اسرائیلی حملے میں شہید:حزب اللہ 

حزب اللہ لبنان نے ایک سرکاری بیان میں اعلان کیا ہے کہ اس کے سینئر مجاہد کمانڈر ہيثم علی الطبطبائی، المعروف سید ابو علی، ضاحیہ جنوبی بیروت میں اسرائیلی فضائی حملے کے نتیجے میں شہید ہوگئے۔ تنظیم نے اس حملے کو لبنان اور اس کے عوام کے خلاف بزدلانہ جارحیت قرار دیا۔

المنار کے مطابق حزب اللہ نے اتوار کی شب جاری بیان میں بتایا کہ الطبطبائی بیروت کے علاقے حارة حریک میں ایک رہائشی مقام پر اسرائیلی حملے کے دوران شہید ہوئے۔ بیان کے آغاز میں قرآن کی آیت کا حوالہ دیتے ہوئے کہا گیا کہ شہید کمانڈر نے اپنی پوری زندگی مزاحمت، دفاعِ لبنان اور صہیونی دشمن کے مقابلے کے لیے وقف کی۔

تنظیم کے مطابق الطبطبائی مزاحمت کے ابتدائی دنوں سے اس کی صفوں میں شامل رہے اور اس کی بنیادوں کو مضبوط کرنے میں نمایاں کردار ادا کیا۔ بیان میں کہا گیا کہ ان کی شہادت کو حزب اللہ ایک افتخار سمجھتی ہے جو مجاہدین کے حوصلے مزید بلند کرے گی، اور وہ اپنے شہدا کے خون کو مشعلِ راہ بنا کر جدوجہد جاری رکھیں گے۔

حزب اللہ نے آخر میں امام زمانہ (عج)، مجاہدین اور لبنانی عوام سمیت شہید کے اہل خانہ سے تعزیت کرتے ہوئے زخمیوں کی جلد صحت یابی کی دعا کی۔

اتوار کو اسرائیلی فضائیہ نے الضاحیہ کے علاقے العریض میں ایک رہائشی عمارت کو نشانہ بنایا جس سے عمارت مکمل طور پر تباہ اور قریبی دکانیں بھی متاثر ہوئیں۔ لبنانی وزارتِ صحت کے مطابق اس حملے میں پانچ افراد شہید اور اٹھائیس زخمی ہوئے۔

لبنان کے صدر جوزف عون نے حملے کی مذمت کرتے ہوئے کہا کہ یومِ آزادی کے موقع پر اسرائیل کی جارحیت اس بات کا ثبوت ہے کہ یہ رژیم نہ بین الاقوامی قراردادوں پر عمل کرتی ہے اور نہ ہی خطے میں کشیدگی کم کرنے کی کوششوں کو اہمیت دیتی ہے۔ انہوں نے عالمی برادری سے مطالبہ کیا کہ وہ فوری اور مؤثر اقدام کرے۔

یاد رہے کہ اسرائیل نے یکم اکتوبر 2024 کو لبنان پر جارحیت شروع کی تھی اور دو ماہ بعد امریکی ثالثی میں سات دسمبر کو جنگ بندی پر اتفاق ہوا، تاہم اسرائیل اس معاہدے کی مسلسل خلاف ورزی کر رہا ہے۔ معاہدے کے تحت اسرائیلی فوج کو ساٹھ روز میں جنوبی لبنان سے نکلنا تھا، لیکن اس نے پانچ اسٹریٹجک مقامات پر اپنی موجودگی برقرار رکھی ہے۔

مشہور خبریں۔

امریکہ یورپ کو گیس 4 گنا مہنگی فروخت کر رہا ہے:میکرون

?️ 24 اکتوبر 2022سچ خبریں:فرانسیسی صدر نے امریکہ پر یورپ کو برآمد کی جانے والی

ہم امریکی منصوبے کے تمام پہلوؤں سے متفق نہیں ہیں: زلنسکی

?️ 19 دسمبر 2025سچ خبریں: یوکرین کے صدر وولودیمیر زلنسکی نے جمعرات کے روز یورپی یونین

موغادیشو میں 30 گھنٹے تک جاری رہنے والی یرغمالی صورتحال کا خاتمہ

?️ 21 اگست 2022سچ خبریں:    مقامی ذرائع نے صومالیہ کے دارالحکومت میں واقع ہوٹل

پنجاب بھر میں مستحق افراد کیلئے مفت افطار کا اہتمام ہوگا۔ عظمی بخاری

?️ 15 فروری 2026لاہور (سچ خبریں) وزیراطلاعات پنجاب عظمیٰ بخاری نے کہا ہے کہ پنجاب

سعودی عرب چین سے فضائی دفاعی نظام خریدنے کا خواہاں

?️ 19 جنوری 2022سچ خبریں:  پریس ذرائع کے مطابق رائل سعودی ایئر فورس چین کا

وزیر خارجہ نے ٹیلیفون پر امریکی وزیر خارجہ سے تبادلہ خیال کیا

?️ 10 جولائی 2021اسلام آباد(سچ خبریں)تفصیلات کے مطابق وزیر خارجہ شاہ محمود قریشی اور امریکی

عمران ریاض کا نام پی این آئی ایل سے نکالنے کی درخواست پر فیصلہ محفوظ

?️ 15 فروری 2024اسلام آباد: (سچ خبریں) لاہور ہائی کورٹ نے صحافی اور وی لاگر

کراچی: 8 ٹرینیں منسوخ، اوقات کار میں بھی تبدیلی

?️ 29 اپریل 2021کراچی (سچ خبریں) کورونا وائرس کی لہر کے پیش نظر مسافروں کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے