ہند اور پاکستان کے تعلقات میں کشیدگی سے ہوائی راستوے تبدیل

سچ خبریں: سیاسی اور فوجی تنازعات میں شدت، خاص طور پر کشمیر پر حملے کے بعد، بین الاقوامی ایئر لائنز نے ردعمل ظاہر کرنا شروع کر دیا ہے۔ جرمنی کی ‘لوفتھانزا’ اور فرانس کی ‘ایئر فرانس’ سمیت متعدد کمپنیوں نے حفاظتی وجوہات کی بنا پر پاکستانی فضائی حدود سے گزرنے والی پروازوں کو معطل کر دیا ہے۔

اس فیصلے کے نتیجے میں جنوبی اور جنوب مشرقی ایشیا کی جانب جانے والی کئی بین الاقوامی پروازوں کے راستے تبدیل ہو گئے ہیں۔ اطلاعات کے مطابق، بعض پروازوں کا سفر دو گھنٹے تک بڑھ گیا ہے، جس سے ایندھن کا استعمال اور آپریٹنگ اخراجات میں اضافہ ہوا ہے۔

دوسری جانب، ہندوستان نے بھی پاکستانی طیاروں کے لیے اپنی فضائی حدود بند کر دی ہے۔ جوابی کارروائی میں پاکستان نے ہندی ایئر لائنز کی پروازوں پر پابندی عائد کر دی ہے، نیز ویزا معطلی اور تجارتی تعلقات میں کمی جیسے سفارتی اقدامات بھی اٹھائے ہیں۔

اگرچہ پاکستان ابھی تک بین الاقوامی پروازوں کو اپنی فضائی حدود استعمال کرنے کی اجازت دے رہا ہے، لیکن تنازعات کے جاری رہنے سے مستقبل میں مزید پابندیاں لگنے کا امکان ہے۔