ہم تمام فریقوں سے تحمل کا مظاہرہ کرنے کا مطالبہ کرتے ہیں: چین

🗓️ 26 مارچ 2022

سچ خبریں:  چینی وزارت خارجہ کے ترجمان وانگ وین بِن نے جزیرہ نما کوریا میں شامل تمام فریقوں سے تحمل کا مظاہرہ کرنے پر زور دیا۔

انہوں نے پیانگ یانگ کی جانب سے بین البراعظمی بیلسٹک میزائلوں کے تجربے کا حوالہ دیتے ہوئے کہا کہ ہمیں موجودہ صورتحال پر تشویش ہے۔

شمالی کوریا کا پانچ سالوں میں یہ پہلا بین البراعظمی بیلسٹک میزائل تجربہ ہے اور پیانگ یانگ اسے اپنی جوہری صلاحیت اور امریکی دھمکیوں کے خلاف مزاحمت کی علامت کے طور پر دیکھتا ہے۔

امریکہ، جنوبی کوریا اور جاپان نے اس تجربے کو سابقہ معاہدوں کی خلاف ورزی قرار دیتے ہوئے اس کی مذمت کی ہے۔

چین پیانگ یانگ کا اہم بین الاقوامی اور اقتصادی پارٹنر ہے اور جزیرہ نما کوریا کے تنازعات کو حل کرنے میں اہم اثر و رسوخ رکھتا ہے۔