سچ خبریں: پاکستان میں خبر رساں ذرائع کے مطابق چین کے وزیر خارجہ وانگ یی افغان حکمران وفد سے ملاقات کے لیے غیر اعلانیہ دورے پر کابل پہنچے۔
پاکستانی صحافی طاہر خان نے چینی وزیر خارجہ کے اچانک دورہ کابل کی خبر دی ہے جس کی ابھی تک سرکاری طور پر تصدیق نہیں کی گئی البتہ طالبان کے وزیر خارجہ امیر خان متقی نے ان کا استقبال کیا۔
وانگ یی اس سے قبل تین دن کے لیے پاکستان میں تھے اور او آئی سی کے وزرائے خارجہ اجلاس میں مہمان خصوصی تھے۔
طالبان کے اقتدار میں آنے کے بعد کسی سینئر چینی اہلکار کا یہ پہلا دورہ افغانستان ہے۔
او آئی سی وزرائے خارجہ کے اجلاس کے آغاز پر چینی وزیر خارجہ نے کہا کہ بیجنگ افغان عوام کے انتخاب کا احترام کرتا ہے اور ایک جامع حکومت کے حصول میں ملک کی حمایت کرتا ہے۔