سچ خبریں:اسلامی جمہوریہ ایران کے بریگیڈیرجنرل محمد طہرانی مقدم نے صیہونیوں کو انتباہ دیتے ہوئے کہا کہ تمہارے میزائلوں کو ایران تک پہنچنے میں کم سے کم 8 سے12 منٹ لگیں گےجبکہ اگر ہم نے میزائل داغے تو ایک سے دو منٹ میں اسرائیل نامی ریاست کا وجود دنیا کے نقشے سے ختم ہوجائے گا۔
ایرانی فوج کے سینئرکمانڈر بریگیڈیرجنرل محمد طہرانی مقدم نے اپنے ایک انٹر ویو میں کہا کہ اگر اسرائیل نے ایران پر میزائل داغے اوراس کے میزائل اگر ایران تک پہنچ گئے تو اس میں 8 سے 12 منٹ لگیں گے جبکہ اگر ہم نے اسرائیل پر میزائل داغے تو وہ ایک سے دو منٹ کے اندر اسرائیل میں اپنے اہداف کو صحیح نشانہ بنائیں گےاس لئے کہ ہم جنوبی لبنان سے حزب اللہ ، فلسطین سے حماس اور شام سے فاطمیون کے ذریعے اسرائیل پر میزائل داغیں گے جو اسرائیل کی ایٹمی تنصیبات کو مکمل طور پرتباہ کر دیں گے جسکے نتیجے میں اسرائیل مکمل طور پر تباہ و برباد ہوجائیگا اور اس طرح اس غیر قانونی ریاست کو صفحہ ہستی سے محو کرنے کا امام خمینی (رح) کا خواب بھی شرمندہ تعبیر ہو جائیگا۔
انہوں نے اسرائیل کی جانب سے ایران کودھمکی دینے کے سلسلہ میں بات کرتے ہوئے کہا کہ اس قسم کی دھمکیاں چھوٹا منہ اور بڑی بات کی طرح ہیں اس لیے کہ اسرائیل اور اس کے چیلے ایران پر حملہ کرنے کی جرات نہیں کر سکتے۔
