حملے کا جواب حملے کی صورت میں ملے گا:یمنی فوج

?️ 27 دسمبر 2021

سچ خبریں:یمنی فوج کے ترجمان نے اس ملک کے خلاف جارحیت کرنے والوں کو خبردار کرتے ہوئے کہا کہ دشمن کی جانب سے کیے جانے والے ہر حملے کا جواب حملے کی صورت میں دیں گے۔
یمنی ذرائع ابلاغ کی رپورٹ کے مطابق یمنی فوج کے ترجمان یحیی سریع نے اس ملک کے صوبہ الجوف کے بعض علاقوں کے فجر صحراء کارروائی میں آزاد کرنے کی طرف اشارہ کرتے ہوئے کہا کہ حملے کا جواب حملے سے دیا جائےگا۔

انھوں نے کہا یمنی فورسز نے فجر صحراء کارروائی میں الیتمہ اور اس کے ملحقہ علاقوں کو آزاد کرالیا ہے، یحیی سریع نے کہا کہ مذکورہ کاروائی میں دشمن کے کرائے کے فوجیوں اور مزدوروں کو بڑے پیمانے پر جانی نقصان ہوا ہے،یادرہے کہ یمنی فوج نے جس علاقہ کو آزاد کرایا ہے وہ 1200 مربع کلو میٹرپر مشتمل ہے۔

یحیی سریع نے کہا کہ یمنی فوج اور مقامی قبائل نے اس کارروائی میں دشمن فوج کے بھاری مقدار میں اسلحہ کو اپنے کنٹرول میں لے لیا ہے، انھوں نے کہا کہ ہم حملے کا جواب حملے سے دیں گے اور ہم جلد ہی دشمن کے خلاف ایسی جوابی کاروائی کریں گے کہ اس کی آنکھیں کھلی رہ جائیں گی جبکہ وہ اس طرح کی کاروائی کے بارے میں سوچ بھی نہیں سکتا۔