ہزاروں برطانویوں کا فوری پارلیمانی انتخابات کا مطالبہ

?️ 7 نومبر 2022

سچ خبریں:برطانیہ کے دارالحکومت میں ہزاروں شہری سڑکوں پر آئے اور فوری پارلیمانی انتخابات کا مطالبہ کیا۔

برطانوی دارالحکومت میں ہزاروں افراد سڑکوں پر نکل آئے اور اس ملک میں جاری معاشی بحران کی سنگینی کے باعث پارلیمانی انتخابات کے فوری انعقاد کا مطالبہ کیا،”انگلینڈ ٹوٹ گیا ہے” کے نام سے مشہور کئی ٹریڈ یونینوں اور سماجی تنظیموں کے اتحاد نے وسطی لندن میں مظاہرہ کرتے ہوئے اس ملک میں فوری پارلیمانی انتخابات کا مطالبہ کیا ۔

مظاہرین نے بینرز اٹھا رکھے تھے جن پر کنزرویٹو پارٹی گیٹ آؤٹ اور فوری پارلیمانی انتخابات ہونے چاہیے لکھا تھا، مائیکل اوڈن نامی مظاہرہ کرنے والا ایک شخص اپنے سات سالہ جڑواں بچوں کو مظاہرے میں لے کر آیا اور روز مرہ ضرورت کی اشیا کی بڑھتی ہوئی قیمتوں کا حوالہ دیتے ہوئے کہا کہ ہماری عوام اپنے ملک کی قیادت کے ڈھانچے میں تبدیلی چاہتے ہیں۔

اس کے علاوہ نئے برطانوی وزیر اعظم رشی سنک کے اقتصادی بحران اور چیلنجوں کا مقابلہ کرنے میں ناکامی کی وجہ سے کہا جاتا ہے کہ برطانوی نرسیں ملک گیر ہڑتال کا منصوبہ بنا رہی ہیں۔

یاد رہے کہ اس سے قبل برطانوی یونیورسٹیوں کے ملازمین نے اخراجات میں اضافے کے خلاف احتجاجاً ہڑتال شروع کرنے کے معاہدے کا اعلان کیا تھا، دریں اثناء برطانوی ریلوے ورکرز، ہیلتھ ورکرز اور قانونی ماہرین یا تو ہڑتال پر چلے گئے ہیں یا جانے کا ارادہ کر رہے ہیں۔