کیا یوکرین جنگ جیت سکتا ہے؟ امریکی سیاستداں کیا کہتے ہیں؟

?️ 9 جولائی 2023

سچ خبریں: امریکی صدارتی امیدوار نے کہا کہ ایسا کوئی طریقہ نہیں ہے کہ یوکرینی روسیوں کو شکست دے سکیں، اور کہا کہ یورپ میں یوکرین میں لوگوں کو موت کے منھ میں ڈھکیلنے کی خواہش نہیں ہے۔

2024 کے امریکی صدارتی انتخابات کے امیدوار رابرٹ ایف کینیڈی جونیئر نے پیش گوئی کی کہ یوکرین کے روس کے ساتھ جنگ ​​جیتنے کا کوئی امکان نہیں ہے۔

یہ بھی پڑھیں: یوکرین جنگ میں کون ممنوعہ بم استعمال کر رہا ہے؟ ہیومن رائٹس واچ کا انکشاف

ایک آن لائن انٹرویو کے دوران کینیڈی نے کہا کہ ان کی رائے میں یوکرین روس جنگ کی صورتحال کا کوئی ایک نتیجہ نہیں ہے جس کی بنیاد پر کیف ماسکو کو شکست دے سکے۔

اسپوٹنک خبر رساں ایجنسی کی رپورٹ کے مطابق انھوں نے اس بارے میں وضاحت کرتے ہوئے کہا کہ میرے خیال میں دنیا میں کوئی ایسا طریقہ نہیں ہے جس سے یوکرینی روسیوں کو شکست دے سکیں، میرے خیال میں یورپ کو اس وقت ایک سنگین مسئلہ کا سامنا ہے۔

امریکی صدارتی امیدوار نے یورپ کے مسئلے کے بارے میں کہا کہ جرمنی، اٹلی، فرانس میں ہم فسادات اور مظاہرے دیکھ رہے ہیں، ان ممالک میں اندرونی مسائل ہیں۔

انہوں نے کہا کہ یورپ میں یوکرین بھیج کر اپنے لوگوں کو موت کے میں منھ میں دھکلینے کی کوئی خواہش نہیں ہے اور یوکرینیوں کی مدد کرنے والا بھی اب کوئی نہیں بچا ہے۔

مزید پڑھیں: کیا یوکرین جنگ میں ایٹمی ہتھیار استعمال ہو سکتے ہیں؟بائیڈن کیا کہتے ہیں؟

رپورٹ کے مطابق کینیڈی نے کہا کہ یوکرین کی فوج اپنی صفوں کو بھرنے کے لیے زبردستی لوگوں کو بھرتی کر رہی ہے، انہوں نے مزید کہا کہ جو مرد فوجی خدمات کی عمر کو پہنچ چکے ہیں، وہ یوکرین چھوڑنے کی پوری کوشش کر رہے ہیں تاکہ جنگ میں نہ جائیں۔