سچ خبریں: سابق امریکی صدر نے دنیا میں ڈالر کی گرتی ہوئی پوزیشن پر خبردار کرتے ہوئے کہا کہ امریکا جہنم میں جانے والا ہے۔
فاکس نیوز کو انٹرویو دیتے ہوئے سابق امریکی صدر ڈونلڈ ٹرمپ نے دنیا میں ڈالر کی بالادستی میں کمی کے بارے میں خبردار کیا اور امریکہ کی حالت کے بارے میں کہا کہ ہم جہنم میں جانے والے ہیں۔
اس انٹرویو میں ٹرمپ نے کہا کہ ہمارا ملک جہنم میں جا رہا ہے، اور ہم محفوظ نہیں رہیں گے،ہمارے پاس طاقت ہے لیکن یہ زوال پذیر ہے۔
یہ بھی پڑھیں: چین نے امریکی سلطنت کو بے گھر کر دیا ہے: رابرٹ کینڈی
انہوں نے کہا کہ دراصل کرنسی کے لحاظ سے ہمارے ملک کی طاقت کم ہو رہی ہے اور میں صرف اپنی کرنسی کی قدر کے بارے میں بات نہیں کر رہا ہوں بلکہ دنیا بھر میں اس کے استعمال کے بارے میں بات کر رہا ہوں۔
فاکس بزنس چینل کی ویب سائٹ نے لکھا کہ ٹرمپ نے اس انٹرویو میں کہا کہ دنیا کی ریزرو کرنسی کے طور پر ڈالر کی پوزیشن کا گرنا کسی بھی جنگ ہارنے سے بڑا واقعہ ہے۔
سابق امریکی صدر نے مزید کہا کہ جو بھی ہوائی اڈوں کو دیکھتا ہے، ٹرمینلز کو دیکھتا ہے، ہماری گندی اور گرم سڑکوں اور ہر چیز کو دیکھتا ہے اسے لگتا ہے کہ ہم تیسری دنیا کے ملک کی طرح ہیں۔
ڈونلڈ ٹرمپ نے اس انٹرویو میں مزید کہا کہ ہمارے پاس ایک بہت طاقتور ٹول ہے اور وہ ہمارا ڈالر ہے لیکن ہم دیکھ رہے ہیں کہ کیا ہورہا ہے ،دوسرے ممالک اسے استعمال نہیں کرتے۔
انہوں نے کہا کہ چین یوآن میں لین دین کرنا چاہتا ہے، یہ ہمارے لیے ناقابل تصور تھا،یہ کبھی نہیں ہونا چاہیے تھا لیکن اب لوگ اس کے بارے میں سوچ رہے ہیں۔
مزید پڑھیں: پابندیوں سے ڈالر کی بالادستی خطرے میں: امریکی وزیر خزانہ کا انتباہ
یاد رہے کہ ٹرمپ ڈالر کی کرتی ہوئی قدر کے بارے میں بات کر رہے ہیں جبکہ اقتصادی اور قانونی امور کے بہت سے ماہرین نے ان کے ہاتھوں ضرورت سے زیادہ پابندیوں کا سہارہ لینے کو ڈالر کی پوزیشن کو کمزور کرنے اور عمومی طور پر پابندیوں کے نظام کو کمزور کرنے کا ایک اہم عنصر قرار دیا ہے۔
