سچ خبریں: امریکی سینیٹر نے صیہونی حکومت کے وزیر اعظم کو مخاطب کرتے ہوئے یاد دلایا کہ غزہ میں ہونے والے جرائم پر تنقید کا یہود دشمنی سے کوئی تعلق نہیں ہے۔
الجزیرہ نیوز ایجنسی کی رپورٹ کے مطابق ورمونٹ کے سینیٹر نے کہا کہ اسرائیل غزہ میں جنگ مخالف مظاہروں کو یہود دشمنی سے منسوب کرنے کی کوشش کررہا ہے۔
یہ بھی پڑھیں: صیہونیوں کے بارے میں یہودیوں کا منفی نظریہ: اسرائیلی مورخ کا اعتراف
امریکی سینیٹر برنی سینڈرز نے صیہونی حکومت کے وزیراعظم کو مخاطب کرتے ہوئے کہا کہ جب غزہ میں 34 ہزار خواتین اور بچے مارے جا چکے ہیں تو امریکی یونیورسٹیوں میں مظاہرے یہود دشمنی نہیں ہیں۔
سینڈرز نے نیتن یاہو سے کہا کہ نہیں مسٹر نیتن یاہو، یاد رہے کہ صرف چھ ماہ کے دوران آپ کی انتہا پسند حکومت نے 34000 فلسطینیوں کو قتل اور 77000 سے زائد افراد کو زخمی کیا ہے جن میں 70% خواتین اور بچے ہیں، یہ یہود دشمنی یا حماس کی حمایت نہیں ہے۔
مزید پڑھیں: امریکی خارجہ پالیسی میں صیہونی لابیوں کا اثر و رسوخ
سینڈرز نے یاد دلایا کہ نیتن یاہو یہود دشمنی کے بہانے غزہ میں غیر اخلاقی جنگ سے لوگوں کی توجہ ہٹا نہیں سکتے۔
گزشتہ روز غزہ میں جنگ کے خلاف امریکہ میں طلباء کے احتجاج کے رد عمل میں نیتن یاہو نے احتجاج کرنے والے طلباء کو غنڈے قرار دیا۔
