چین کا امریکہ، برطانیہ اور آسٹریلیا کو سپرسونک میزائل بنانے پر انتباہ

?️ 7 اپریل 2022

سچ خبریںچین نے سپرسونک میزائل بنانے میں امریکا، برطانیہ اور آسٹریلیا کے تعاون سے خبردار کرتے ہوئے کہا ہے کہ دنیا یوکرین کی طرح ایک اور جنگ میں داخل ہوسکتی ہے۔
روئٹرز خبر رساں ادارے کی رپورٹ کے مطابق اقوام متحدہ میں چین کے ایلچی نے امریکہ، آسٹریلیا اور برطانیہ کو سپرسونک میزائل بنانے کے لیے مل کر کام کرنے کے بارے میں خبردار کیا ہے،خبر رساں ذرائع کے مطابق اقوام متحدہ میں چین کے نمائندے نے خبردار کیا کہ اگر تعاون کے منصوبے پر عمل کیا گیا تو دنیا کے دیگر حصے ایک اور جنگ میں داخل ہو سکتے ہیں جیسا کہ یوکرین میں ہوا ہے۔

خبر رساں ادارے روئٹرز نے بتایا کہ برطانوی وزیر اعظم بورس جانسن کے دفتر نے اعلان کیا کہ برطانیہ، امریکہ اور آسٹریلیا نے سپرسونک ہتھیاروں اور الیکٹرانک جنگی صلاحیتوں پر تعاون کرنے پر اتفاق کیا ہے،یاد رہے کہ پچھلے سال ستمبر میں شروع کیے گئے نئے دفاعی اتحاد نے آسٹریلیا کو مجبور کیا کہ وہ امریکی-برطانوی حمایت یافتہ جوہری آبدوز پروگرام کے حق میں روایتی فرانسیسی آبدوزوں کے معاہدے کو ختم کرے۔

واضح رہے کہ جانسن، امریکی صدر جو بائیڈن اور آسٹریلیا کے وزیر اعظم سکاٹ موریسن نے ایک مشترکہ بیان میں کہا کہ وہ آسٹریلیا کے روایتی آبدوز پروگرام کی پیش رفت سے خوش ہیں اور دیگر شعبوں میں مل کر کام کریں گے۔