پیوٹن کا عرب لیگ کے رہنماؤں کے نام پیغام

?️ 3 نومبر 2022

سچ خبریں:روسی صدر ولادیمیر پیوٹن نے الجزائر میں منعقدہ 30ویں عرب لیگ کے سربراہی اجلاس کے لیے پیغام بھیجا ۔

روسی ایلیم ٹی وی چینل کی رپورٹ کے مطابق روسی صدر ولادیمیر پیوٹن نے الجزائر میں منعقدہ 30ویں عرب لیگ کے سربراہی اجلاس کے نام اپنے پیغام میں کثیر قطبی عالمی نظام کی تشکیل کی اہمیت پر زور دیا۔

انہوں نے مطالبہ کیا کہ یہ ڈھانچہ ملکوں کے جائز مفادات کے احترام کی بنیاد پر تشکیل دیا جائے،اس سلسلے میں پیوٹن نے بین الاقوامی سیاست میں عرب ممالک کے کردار کی اہمیت پر زور دیا۔

روس کے صدر نے اپنے پیغام میں کہا کہ مشرق وسطیٰ اور شمالی افریقہ کے ممالک جن کی آبادی نصف ارب سے زیادہ ہے، اہم بین الاقوامی پالیسیوں میں بڑھتا ہوا کردار ادا کرسکتے ہیں ، یاد رہے کہ گزشتہ جمعرات کو پیوٹن نے مغربی ممالک کی پالیسیوں اور دنیا پر غلبہ حاصل کرنے کی ان کی مسلسل کوششوں پر تنقید کی۔

قابل ذکر ہے کہ روسی صدر نے عرب لیگ کے سربرہان کے نام ایسے وقت میں لکھا ہے کہ جبکہ وہ یوکرین کے ساتھ ایک ایسی جنگ میں مشغول ہے جس میں بالواسطہ تمام مغربی اور نیٹو کے اتحادی ممالک شامل ہیں، اس کے علاوہ تیل کی پیداوار کو کم کرنے کے اوپک پلس کے حالیہ فیصلہ کو بھی مغربی ممالک میں عرب حکمرانوں کی جانب سے روس کی کھلی حمایت کے طور پر دیکھا جارہا ہے۔