پیانگ یانگ کا جزیرہ نما کوریا میں سکیورٹی بحران کے سلسلہ میں انتباہ

🗓️ 12 اگست 2021

سچ خبریں:شمالی کوریا کا کہنا ہے کہ سیول اورواشنگٹن کی جانب سے اس کی خیر سگالی کے مخالفانہ جواب کی وجہ سے جزیرہ نما کوریا میں سکیورٹی کی صورت حال مزید خراب ہو سکتی ہے۔

روئٹرز خبر رساں ادارے کی رپورٹ کے مطابق شمالی کوریا نے بدھ کے روز خبردار کیا کہ سیول اور واشنگٹن نے پیانگ یانگ کے ساتھ تعلقات بہتر بنانے کا ایک موقع گنوا دیا ہے اور مشترکہ مشقوں کے ذریعے کشیدگی بڑھانے کا انتخاب کرتے ہوئے سکیورٹی کے سنگین بحران کا خطرہ ایجاد کر دیا ہے۔

اس سلسلے میں شمالی کوریا کی سیاسی شخصیت کم جونگ چول کا کہنا ہے کہ ہمارے ملک کے رہنما کم جونگ ان اور سابق امریکی صدر ڈونلڈ ٹرمپ کے درمیان ملاقاتوں میں نمایاں کردار ادا کیا،تاہم سیول اور واشنگٹن نے پیانگ یانگ کی خیر سگالی کا مخالفانہ اقدامات سے جواب دیا۔

واضح رہے کہ شمالی کوریا کے رہنما کم جونگ کی جانب سے امریکی مشقوں میں حصہ لینے کی سیول کی منافقت کے بارے میں دی جانے والی کل کی وارننگ کے بعد پیانگ یانگ مسلسل دوسرے دن دونوں کوریاؤں کے درمیان ایمرجنسی لائن بند کر دی جسے کھلے ہوئےصرف ایک ہفتہ ہی ہوا تھا ۔

تاہم امریکی محکمہ خارجہ کے ترجمان نیڈ پرائس نے شمالی کوریا کے حکام کے تبصرے کے جواب میں دعویٰ کیا کہ واشنگٹن کا پیانگ یانگ کے لیے کوئی دشمنانہ ارادہ نہیں ہے،پرائس نے ایک نیوز کانفرنس میں کہا کہ پہلے میں اس بات کا اعادہ کرتی ہوں کہ مشترکہ فوجی مشقوں (امریکہ اور جنوبی کوریا) کی نوعیت خالصتا دفاعی ہےجو ہم نے کئی بار کہا ہے اور یہ ایک بہت اہم نکتہ ہے۔