پوتین سے رابطہ قائم ہے، 8 یوکرینی بچے اپنے خاندانوں سے مل گئے:میلانیا ٹرمپ

پوتین سے رابطہ قائم ہے، 8 یوکرینی بچے اپنے خاندانوں سے مل گئے

 امریکہ کی خاتونِ اول میلانیا ٹرمپ نے انکشاف کیا ہے کہ انہوں نے روس کے صدر ولادیمیر پوتین کے ساتھ ایک براہِ راست رابطہ چینل قائم کیا ہے، جس کے نتیجے میں آٹھ یوکرینی بچے اپنے والدین سے دوبارہ ملنے میں کامیاب ہوئے ہیں۔

ملانیا ٹرمپ کے مطابق، یہ اقدام ان کے اس خط کے بعد ممکن ہوا جو انہوں نے اگست 2025 میں صدر پوتین کو لکھا تھا۔ اس خط میں انہوں نے جنگِ یوکرین سے متاثر بچوں کے حالات پر تشویش ظاہر کی تھی۔

انہوں نے بتایا کہ روس نے حال ہی میں آٹھ بچوں کو ان کے والدین کے حوالے کیا ہے، اور دونوں فریق اب بھی مزید بچوں کی واپسی کے لیے کام کر رہے ہیں۔

کاخ سفید میں ایک مختصر بیان دیتے ہوئے ملانیا ٹرمپ نے کہا،یہ ایک مسلسل کوشش ہے۔ ہم جلد ہی مزید بچوں کو ان کے خاندانوں سے ملانے کی امید رکھتے ہیں۔ امن کی شروعات ہمارے بچوں سے ہو سکتی ہے۔”

امریکی نشریاتی ادارے سی این این کے مطابق، ملانیا ٹرمپ کا یہ بیان ایسے وقت میں آیا ہے جب ٹرمپ انتظامیہ نے اس تنظیم کا بجٹ کم کر دیا ہے جو یوکرین میں جنگی جرائم اور بچوں کی جبری منتقلی پر تحقیق کر رہی تھی۔

یہ تنظیم، جو ییل یونیورسٹی کے انسانی حقوق کے تحقیقی ادارے کے تحت 2022 میں قائم ہوئی تھی، یوکرین میں روس کے مبینہ جنگی جرائم اور بچوں کے اغوا و تربیتِ نو جیسے معاملات کی نگرانی کرتی رہی ہے۔