سچ خبریں:اقوام متحدہ کے ذیلی ادارے او سی ایچ اے نے اپنی رپورٹ میں کہا ہے کہ صیہونی قابض فوج نے گذشتہ دو ہفتوں میں 8 فلسطینیوں کو شہید اور 20 بچوں سمیت 140افراد وکو زخمی کیا ہے۔
اقوام متحدہ میں انسانی امور کے ادارےاو سی ایچ اے نے سنیچر کے روز ہر پندرہ دن پرجاری ہونے والی اپنی رپورٹ میں کیا ہے کہ 22 فروری سے 9 مارچ کے کے دوران صیہونی قابض فوج نے 8 فلسطینیوں کو شہید اور 20 بچوں سمیت 140افراد وکو زخمی کیا ہے ۔
اس رپورٹ میں 22 فروری کو جنوبی بیت اللحم کے الخادر علاقے میں ایک 13 سال کے فلسطینی نوجوان کی صیہونی پولیس کے ہاتھوں شہادت کا بھی ذکر کیا گیا ہے،رپورٹ کے مطابق، زخمیوں میں تقریبا آدھے فلسطینی وہ ہیں جو اسرائیل کی غیر قانونی بستیوں کی تعمیر کے خلاف اور شیخ جراح علاقے کے مکینوں کے ساتھ اظہار یکجہتی کے مقصد سے ہونے والے مظاہروں کے دوران زخمی ہوئے ہیں۔
واضح رہے کہ صیہونی دہشتگرد مقبوضہ بیت المقدس کے شیخ جراح محلے کے مکینوں کو جبری طور پر انکے علاقے سے نکال کر اس پر قبضہ جمانےکی کوشش کر رہے ہیں۔
رپورٹ میں مزید آیا ہے کہ اسرائیلی فورسز نے فلسطینیوں کی 29 عمارتوں اور مکانوں کو مسمار کر دیا جس کے نتیجہ میں 28 بچوں سمیت 62 لوگ بے گھر ہو گئے ہیں جن کے پاس سر چھپانے کوبھی اب کچھ نہیں رہا ہے۔
