پاکستانی وزیرِاعظم کا قطر کا ہنگامی دورہ

پاکستانی وزیرِاعظم کا قطر کا ہنگامی دورہ

 وزیرِاعظم پاکستان شہباز شریف آج بروز جمعرات 11 ستمبر 2025 ایک اعلیٰ سطحی وفد کے ہمراہ قطر روانہ ہو رہے ہیں، تاکہ دوحہ پر حالیہ صہیونی فضائی حملوں کے بعد قطر کے ساتھ بھرپور یکجہتی کا اظہار کیا جا سکے۔

پاکستان کی وزارتِ خارجہ نے جاری بیان میں کہا ہے کہ یہ دورہ قطر کی سلامتی اور خودمختاری کے لیے پاکستان کی غیرمتزلزل حمایت اور مشرقِ وسطیٰ میں امن و استحکام کے قیام کے عزم کی علامت ہے۔وفد میں نائب وزیرِاعظم اور وزیرِخارجہ سینیٹر اسحاق ڈار سمیت دیگر اعلیٰ حکام بھی شامل ہوں گے۔

وزیرِاعظم شہباز شریف قطر کے امیر شیخ تمیم بن حمد آل ثانی سے ملاقات کریں گے اور پاکستانی عوام و حکومت کی جانب سے قطر کے ساتھ گہری ہمدردی اور مکمل تعاون کا اظہار کریں گے۔