ٹویٹر کے ہفتے بھر کے عدم استحکام کا خاتمہ

?️ 5 نومبر 2022

سچ خبریںٹویٹر سوشل نیٹ ورک نئے مالک ایلون مسک کے انتظامی دور میں اس کمپنی اور اس کے ملازمین کے مستقبل کے بارے میں عدم استحکام اور الجھنوں کے ایک ہفتے کے بعد آج سے انہیں ای میل کے ذریعے مطلع کرنے کا ارادہ رکھتا ہے۔

روئٹرز نیوز ایجنسی نے دو معتبر ذرائع سے حاصل کردہ معلومات کی بنیاد پر اپنی ایک رپورٹ میں لکھا ہے کہ مسک نے ٹویٹر کے ایگزیکٹوز سے کہا ہے کہ وہ انفراسٹرکچر کے اخراجات میں سالانہ 1 بلین ڈالر کی بچت کریں جبکہ اب تک ٹوئٹر کی اعلیٰ سطحوں پر صفائی کے دوران مسک نے سی ای او اور سینئر مالیاتی اور قانونی مینیجرز کو ہٹا دیا ہے نیز ایڈورٹائزنگ، مارکیٹنگ اور انسانی وسائل کے محکموں کے کچھ دوسرے مینیجرز نے خود استعفیٰ دے دیا ہے۔

واضح رہے کہ ملازمین کو بھیجے گئے ای میلز میں لکھا گیا ہے کہ انتظامیہ ٹوئٹر کو درست راستے پر لانے کے لیے عالمی افرادی قوت میں کمی کا مشکل عمل شروع کرے گی، اور اس عمل کے ذریعے برطرفی کے تازہ ترین فیصلوں سے آپ کو بھی اسی ایسے ہی ایمیلز کے ذریعہ آگاہ کیا جائے گا۔

ایمیلز میں مزید آیا ہے کہ جو ملازمین اس برطرفی کے پروگرام میں شامل نہیں ہیں انہیں بھی کام کے ای میل الرٹس کے ذریعے مطلع کیا جائے گا، یاد رہے کہ ٹویٹر نے اس فیصلے پر نظر ثانی کرنے کی درخواست کا جواب نہیں دیا ہے، واضح رہے کہ برطرفیوں کی حتمی صورتحال کے بارے میں خبریں مسک کی جانب سے اخراجات میں زبردست کمی کرنے اور اس نیٹ ورک کے درمیان ایک نئی جارحانہ کام کی اخلاقیات کو نافذ کرنے کی کوشش کے بعد ایک ہفتہ کی الجھن کا خاتمہ کر دے گی۔