ٹرمپ کے حامیوں کا امریکہ کو لاکھوں ڈالر کا نقصان

🗓️ 4 جون 2021

سچ خبریں:امریکی فیڈرل پراسکیوٹرز کا کہنا ہے کہ ٹرمپ کے شدت پسند حامیوں کے 6 جنوری کو اس ملک کی کانگریس کی عمارت پر ہونے والے حملے کے نتیجے میں 15 لاکھ ڈالر سے زیادہ کا نقصان ہوا تھا۔
خبر رساں ادارے روئٹرز کی رپورٹ کے مطابق امریکی وفاقی استغاثہ نے حال ہی میں اعلان کیا ہےکہ 6 جنوری کو ڈونلڈ ٹرمپ کے انتہا پسند حامیوں کےہاتھوں کانگریس کی عمارت پرہونےوالے حملے کے نتیجے میں 15 لاکھ ڈالر سے زیادہ کا نقصان ہوا تھا، رپورٹ کے مطابق وفاقی استغاثہ نے کہاکہ جن لوگوں پر اس حملے میں ملوث ہونے کا الزام ہے ان کو ہرجانہ ادا کرنا ہوگا۔

یادرہے کہ امریکی دارالحکومت پر حملے کے سلسلے میں اب تک 450 سے زائد افراد کو گرفتار کیا جا چکا ہےجبکہ یہ پہلا موقع ہے جب وفاقی استغاثہ نے کانگریس کی عمارت کو ہونے والے نقصان کا تخمینہ لگایا ہے،واضح رہے کہ رواں سال 6 جنوری کوامریکی کانگریس پراس ملک کے سابق صدر ڈونلڈ ٹرمپ کے حامیوں کےحملے کے دوران ایک پولیس افسر سمیت کم از کم پانچ افراد ہلاک ہوگئے تھے۔

اس واقعے کے بعد پینٹاگون نے ہر روز واشنگٹن میں تعینات فوجیوں کی تعداد میں اضافہ کرتے ہوئے ، نیشنل گارڈ کے دستے واشنگٹن بھیجنا شروع کردیئے اور بائیڈن کی حلف برداری کے دن (یکم فروری) کو خاص طور پر کے واشنگٹن میں 20000 سے زیادہ امریکی نیشنل گارڈ کے دستے تعینات تھے ۔

قابل ذکر ہے کہ نیشنل گارڈ اصل میں صرف بائیڈن کی حلف برداری کی تقریب کے لیے تعینات ہوئے تھے لیکن سکیورٹی خدشات کے پیش نظر ان کے مشن میں 12 مارچ تک توسیع کی گئی تھی۔