سچ خبریں:پینٹاگون کے ایک سابق اعلیٰ سکیورٹی عہدہ دار کا کہنا ہے کہ امریکہ کئی سالوں سے اپنی فوج کو بڑی مقدار میں منشیات فراہم کر رہا ہے اور تجویز کر رہا ہے۔
بلغاریہ کے ایک صحافی نے انکشاف کیا کہ امریکہ نے حالیہ برسوں میں دیگر ممالک میں تعینات اپنے فوجیوں کو تقریباً 47 ٹن منشیات فراہم کی ہیں، بلغاریہ کی تحقیقاتی صحافی ڈیلیانا گیتنڈزہیوا کی شائع ہونے والی ایک رپورٹ سے پتہ چلتا ہے کہ پینٹاگون نے اس ملک کی سرحدوں سے باہر خدمات انجام دینے والے امریکی فوجیوں کو منشیات فراہم کی ہیں۔
واضح رہے کہ 2018 سے 2023 تک کوسوو میں امریکی فوجیوں کو 5 ہزار کلو گرام (5 ٹن) سے زیادہ منشیات بھیجی گئی ہیں، اس کے علاوہ تقریباً 9000 کلوگرام منشیات رومانیہ اور 2000 کلوگرام منشیات ایسٹونیا میں تعینات امریکی فوج کو بھیجی گئیں،یاد رہے کہ یہ اعدادوشمار امریکی ملٹری ٹرانسپورٹیشن کمانڈ کی طرف سے شائع کردہ دستاویزات سے حاصل کیے گئے ہیں۔
ریاستہائے متحدہ کی وزارت خارجہ اور دفاع کی طرف سے شائع کردہ ایک اور دستاویز کے مطابق بڑی مقدار میں ایمفیٹامین منشیات بھی امریکی افواج کو فراہم کی گئیںاور یہ دعوی کیا گیا کہ یہ ادویات امریکی فوجیوں کو چوکنا اور مضبوط بنا سکتی ہیں جبکہ امریکی فوج کے قوانین کے مطابق فوجیوں میں کسی بھی قسم کی منشیات کا استعمال ممنوع ہے۔
