وائرس کی نئی قسم کے سلسلہ میں عالمی ادارہ صحت کا نیا بیان

?️ 29 دسمبر 2021

سچ خبریں:عالمی ادارۂ صحت نے کورونا کی نئی قسم اومیکرون کے سلسلہ میں اپنے ایک بیان میں کہا ہے اگر چہ وائرس کی اس قسم میں شدت کافی کم ہے تاہم پھر بھی یہ صحت کے نظام پر اثر ڈال سکتا ہے۔
عالمی ادارہ صحت” ڈبلیو ایچ او” نے کورونا وائرس کے نئے ویرینٹ اومیکرون کے حوالے سے نیا بیان جاری کرتے ہوئے کہا ہے کہ کم شدت کے باوجود اومیکرون نظام صحت کو متاثر کرسکتا ہے۔ ڈبلیو ایچ او کے مطابق حالیہ تحقیق سے پتہ چلتا ہے کہ اومیکرون کی شدت کم ہے، لیکن اس کے پھیلاؤ کی رفتار بہت زیادہ ہے۔

عالمی ادارہ صحت کے مطابق اومیکرون کے پھیلاؤ کو روکنے کیلئے چین اور جرمنی نے دوبارہ سخت پابندیاں لگا دی ہیں،یادرہے کہ کچھ روز قبل عالمی ادارہ صحت کے سربراہ ڈاکٹر ٹیڈروس نے کہا تھا کہ اومیکرون ویرینٹ کے پیش نظر تقریبات کو ملتوی کردینا چاہیے، اومیکرون ویرینٹ پر قابو پانے کیلئے ہالیڈے ایونٹس کو مؤخر یا منسوخ کردینا چاہئے، کیوں کہ ایک ایونٹ منسوخ کرنا ایک زندگی ختم کرنے سے بہتر ہے اس لیے کہ یہ بہت تیزی سے پھیلتا جارہا ہے اور اب تک دنیا بھر کے سیکڑوں ممالک کو اپنی زد میں لے چکا ہے،تاہم اس سے مرنے والوں کی تعداد CoVID-19 کے مقابلہ میں کافی کم ہے۔