نیویارک میں فائرنگ؛10 افراد زخمی

🗓️ 2 اگست 2021

سچ خبریں:امریکی شہر نیویارک میں نامعلوم مسلح افراد کی فائرنگ کے نتیجہ میں10 افرادزخمی ہوگئے۔
سی این این نیوز چینل کی رپورٹ کے مطابق امریکی شہر نیویارک میں مسلح افراد نے فائرنگ کرکے 10 افراد کو زخمی کردیا،اطلاعات کے مطابق نیویارک میں 2 مسلح افراد نے ہجوم پر فائرنگ کرکے 10 افراد کو زخمی کردیا، واقعہ کے بعد پولیس نے علاقے کو گھیرے میں لے لیا اور زخمیوں کو اسپتال منتقل کیا جہاں تمام افراد کی حالت خطرے سے باہر ہے۔

نیویارک پولیس کے مطابق حملہ کوئنس کے علاقے میں ہوا جس میں 4 افراد ملوث ہیں، 2 حملہ آوروں نے فائرنگ کی جب کہ 2 حملہ آور بائک پر سوار تھے اور فائرنگ کے فوراً بعد فرار ہوگئے پولیس کا کہنا ہے کہ حملہ آوروں کی تلاش کے لیے چھاپے مارے جارہے ہیں،تاہم ابھی تک کسی کو گرفتار نہیں کیا جاسکا ہے۔

یادرہے کہ امریکہ میں نہایت ہی آسانی کے ساتھ آتشین اسلحہ فراہم ہوجاتا ہے اور اس ملک میں ایسی لابیاں موجود ہیں جو اپنی تجارت کی خاطر عوامی سطح پر ہتھیار رکھنے پر پابندی عائد کرنے کے قوانین کو پاس نہیں ہونے دیتیں جس کی وجہ سے ریاستھائے متحدہ میں آئے دن بلااشتعال فائرنگ کے واقعات دیکھنے کو ملتے ہیں اور ان میں زیادہ تر بے گناہ افراد کی جانیں جاتی ہیں نیز اس ملک کی حکومت کو بھی کوئی پرواہ نہیں ہے اور وہ ہتھیار رکھنے کے خلاف قانون پاس کرنے سے بھی کتراتی ہے کیونکہ اس میں اسلحہ رکھنے کی حامی لابیوں کا مقابلہ کرنے کی ہمت نہیں ہے۔