نیتن یاہو نے جنگ میں شکست کا غصہ الجزیرہ پر اتارا

?️ 2 اپریل 2024

سچ خبریں: صیہونی حکومت کے وزیراعظم نے مقبوضہ علاقوں میں الجزیرہ ٹی وی چینل کی نشریات پر پابندی لگا دی۔

الجزیرہ نیوز چینل کی رپورٹ کے مطابق صیہونی حکومت کے وزیر اعظم بنیامین نیتن یاہو نے اپنے ایک بیان میں دعویٰ کیا کہ الجزیرہ چینل اسرائیل کی سلامتی کو نقصان پہنچاتا ہے اور 7 اکتوبر کے قتل عام میں شامل ہے نیز دوسروں کو اسرائیل کے خلاف بھڑکاتا ہے۔

یہ بھی پڑھیں: صیہونیوں کی الجزیرہ چین کی نشریات روکنے کی کوشش،وجہ؟

نیتن یاہو نے کہا کہ الجزیرہ اب اسرائیل میں نشر نہیں کیا جائے گا اس لیے کہ یہ حماس کا میڈیا ہے جسے بے دخل کرنے کا وقت آگیا ہے!

اسرائیلی حکام ایک عرصے سے مقبوضہ علاقوں میں الجزیرہ ٹیلی ویژن چینل کی سرگرمیوں پر اعتراض کر رہے ہیں۔

اس سلسلے میں، اسرائیل کی کنیسٹ نے آج اس مسودہ قانون کی دوسری اور تیسری ریڈنگ کی منظوری دی ہے جو اسرائیل میں غیر ملکی میڈیا کو بند کرنے کی اجازت دیتا ہے۔

مزید پڑھیں: مظلوم کی حمایت کرنے کی سزا

الجزیرہ قانون کے نام سے مشہور اس قانون کے مطابق صیہونی حکومت کے وزیر اعظم کو اسرائیل کی سلامتی کو نقصان پہنچانے والے غیر ملکی میڈیا کی نشریات بند کرنے کی اجازت ہوگی۔