سچ خبریں:یمن کی قومی نجات حکومت کے وزیر خارجہ نے اقوام متحدہ کے ایک عہدہ دار کے ساتھ ملاقات میں یمن کی تازہ ترین صورتحال پر تبادلہ خیال کیا۔
صباح خبررساں ایجنسی کی رپورٹ کے مطابق یمن کی قومی نجات حکومت کے وزیر خارجہ ہشام شرف نے اقوام متحدہ کے ایک عہدہ دار کے ساتھ ملاقات میں کہا کہ یمن میں انسانی تباہی کا واحد حل حملوں کا فوری خاتمہ، ہر قسم کی ناکہ بندیوں کی منسوخی اور غیر ملکی فوجی دستوں کا مکمل انخلاء ہے، انہوں نے مزید کہا کہ یمنی تیل اور گیس لے جانے والے بحری جہازوں کو مسلسل قبضے میں لینا اور انہیں الحدیدہ بندرگاہ میں داخل نہ ہونے دینا نیز صنعاء کے ہوائی اڈے کو دوبارہ کھولنے میں ناکامی تمام شعبوں میں انسانی تباہی میں اضافہ کرتی ہے۔
شرف نے اپنی بات جاری رکھتے ہوئے کہا کہ صنعاء جنگ بندی میں توسیع اور اس کے مطالبات کی تکمیل سے اتفاق کرتا ہے اگر اس کی ضروریات یعنی سرکاری ملازمین کی تنخواہوں کی ادائیگی اور پائیدار امن عمل میں داخل ہونے کی تیاری کی جائے لیکن اگر مقصد یہ ہے ہمارا ملک نہ امن اور نہ جنگ کی حالت میں رہے تو یہ تجویز مکمل طور پر مسترد ہے، انہوں نے اس بات پر زور دیا کہ صنعاء کسی بھی غیر ملکی سرپرستی یا ڈکٹیشن سے ہٹ کر باعزت امن کے حصول میں لاکھوں یمنیوں کے وژن کا اظہار کرتا ہے۔