نامعلوم مسلح افراد کے ہاتھوں الحشدالشعبی کے ایک کمانڈر شہید

?️ 2 اگست 2021

سچ خبریں:عراقی صوبے صلاح الدین میں نامعلوم مسلح افراد نے پیر کے روز الحشدالشعبی کی نویں بریگیڈ کے کمانڈر کو شہید کردیا۔
بغداد الیوم کی رپورٹ کے مطابق عراق میں نامعلوم مسلح افراد نے الحشدالشعبی کے ایک اعلی کمانڈر کو قتل کر دیا ہے، ابوصادق الخشخشی صلاح الدین میں الحشد الشعبی کی نویں بریگیڈ کےکمانڈر تھے قاتلوں نے نشانہ بنایا۔

رپورٹ کے مطابق الحشد الشعبی کمانڈر کو کام سے گھر جاتے ہوئے نامعلوم مسلح افراد نے گولی مار کر شہید کر دیا،واضح رہے کہ یہ حملہ ایسے وقت میں ہوا جب عراقی شخصیات نے پہلے صلاح الدین میں سکیورٹی خلا کو بند کرنے کی ضرورت پر زور دیا تھا۔

اس سلسلے میں الحشد الشعبی کے سربراہ فالح الفیاض نے کہا تھاکہ ہمیں داعش کے کنٹرول سے آزادہونےوالے علاقوں کی حفاظت کو یقینی بنانے کے لیے سنجیدہ کوششیں کرنی چاہیے اس لیے اگر آزاد شدہ علاقوں کو محفوظ نہیں بنایا گیا تو داعش کے عناصر کی سرگرمیاں بڑھ جائیں گی،فالح الفیاض نے مزید کہاکہ صلاح الدین میں ہونے والے واقعات کو دوبارہ نہیں ہونے دینا چاہیے، اس کا مطلب یہ ہے کہ عراق کے مختلف حصوں میں سکیورٹی بڑھانے کی کوششوں کو دوگنا کرنا چاہیے۔

قابل ذکر ہے کہ حال ہی میں داعش کے تکفیری دہشت گردوں نے صوبہ صلاح الدین میں ایک مجلس پر حملہ کیا جس کے نتیجہ میں 11 عراقی شہری جاں بحق اور متعدد زخمی ہوئے، عراقی پولیس نے اس جرم کے مرتکب افراد کی شناخت کی کوشش شروع کر دی ہے،تاہم ابھی تک کسی کی گرفتاری عمل میں نہیں آسکی ہے۔