سچ خبریں:نائجیریا کے شمال مشرقی علاقہ میں داعشی دہشتگردوں کے حملے میں دس افراد ہلاک ہوگئے۔
اے ایف پی کی رپورٹ کے مطابق شمال مشرقی نائجیریا کی ریاست بورنو میں مسلح افراد نے حملہ کر کے 10 افراد کو ہلاک کر دیا، ہلاک ہونے والے مرد اور عورتیں باما کے قریب گونی کورمی گاؤں میں جلی ہوئی کاروں سے کچرا اٹھا رہے تھے، مقامی ملیشیا کے لیڈروں میں سے ایک باباکورا کولو نے بتایا کہ حملے میں ہلاک ہونے والے 10 افراد کار کا ملبہ اکٹھا کرتے ہوئے دہشت گردوں سے ٹکرا گئے تھے اور دہشت گردوں نے انہیں گولی مار کر ہلاک کر دیا تھا۔
یاد رہے کہ دہشت گرد گروہوں نے حال ہی میں نائجیریا کی فوج کے لیے جاسوسی کے الزام میں بڑی تعداد میں اس ملک کے شہریوں کو ہلاک کیا ہے،قابل ذکر ہے کہ مغربی افریقہ میں دہشت گرد گروپ داعش جس نے 2016 میں اس علاقہ میں سرگرم دہشتگرد تنظیم بوکو حرام سے علیحدگی اختیار کی تھی، اس وقت شمال مشرقی نائیجیریا میں ایک بڑا خطرہ بن چکی ہے، در ایں اثنا اقوام متحدہ کا کہنا ہے کہ 2009 سے اب تک دہشت گرد گروہوں کے پرتشدد حملوں میں 40 ہزار سے زائد افراد مارے جا چکے ہیں اور تقریباً 20 لاکھ بے گھر ہو چکے ہیں۔