مقبوضہ فلسطین میں خوفناک آتشزدگی؛ امونیا کے ٹینکوں میں دھماکے کا خطرہ

سچ خبریں:مقبوضہ شمالی فلسطین میں آج صبح لگنے والی آگ آہستہ آہستہ اس علاقے کی ایک فیکٹری کے امونیا ٹینکوں تک پہنچ رہی ہے جس سے ان میں دھماکے کا خطرہ ہو گیا ہے۔
عبرانی زبان کے ذرائع ابلاغ نے مقبوضہ شمالی فلسطین میں آتشزدگی کی تصاویر شائع کیں، جو نہاریہ میں میلوت صنعتی علاقے میں واقع میلوٹیل فیکٹری میں آج صبح سویرے لگی۔فیکٹری کے مین پروڈکشن ہال میں لگی آگ دوسرے حصوں تک پھیل گئی ہے اور اس میں موجود امونیا کے ٹینکوں تک پہنچ رہی ہے۔

میڈیا کے مطابق اس وقت 14 فائرا سٹیشن آگ بجھانے کی کوشش کر رہے ہیں جو اب آگ کو امونیا کے ٹینکوں سے دور رکھنے پر توجہ مرکوز کر رہے ہیں،تاہم آگ کی شدت کے پیش نظر مقبوضہ شمالی فلسطین کے بیشتر فائر اسٹیشنوں جیسے حیفا اور الخضیره کو علاقے کی طرف روانہ کر دیا گیا ہے۔