مغربی کناے میں صیہونی درندہ صفت فوج کے ہاتھوں متعدد فلسطینی شہری اغوا

🗓️ 30 دسمبر 2021

سچ خبریں:صیہونی قابض فوج نے مغربی کنارے کے متعدد علاقوں پردہشتگردانہ کاروائیاں کرتے ہوئے متعدد فلسطینی شہریوں کو اغوا کر لیا۔
مرکز اطلاعات فلسطین کی رپورٹ کے مطابق قابض اسرائیلی فوج نے علی الصباح کارروائی کرتے ہوئے مقبوضہ مغربی کنارے کے مختلف علاقوں سے متعدد فلسطینی شہریوں کو اغوا کر لیا،مقامی ذرائع کے مطابق قابض اسرائیلی فوج نے الخلیل کے شمالی قصبے خاراس میں ایک سابق فلسطینی اسیر یوسف الحروب کو ان کے گھر سے حراست میں لے لیا جبکہ ایک اور سابق اسیر رامی الکسار کو تفتیش کے لئے طلب کیا۔

الخلیل کے جنوب میں یطہ قصبے میں اسرائیلی آپریشن کے دوران شہری ماہر عواد کو گرفتار کر لیا گیا،اس کے علاوہ بیت لحم میں الدھیشہ مہاجر کیمپ سے ایک فلسطینی نوجوان اودے ابو یابس کو گرفتار کر لیا گیا۔

درایں اثنا اسرائیلی فوج نے بیت لحم کے حسن قصبے پر بھی دھاوا بولا اور سابق اسیر جمال حمامرہ اور ا نکے بھائی علی کے گھروں کی زبردستی تلاشی لی،اس کے علاوہ نابلس میں اسرائیلی فوج نے مختلف علاقوں میں چھاپے مارتے ہوئے اسیر امجد علیوی کے گھر پر بھی چھاپا مارا۔

فلسطینی شہر البریح میں اسرائیلی فوجیوں کی جانب سے دھاوے کے نتیجے میں فلسطینی نوجوانوں نے مزاحمت کی اور جھڑپوں کاسلسلہ شروع ہو گیا،تاہم اس موقع پر کسی گرفتاری کی اطلاع موصول نہیں ہوئی،یادرہے کہ گزشتہ رات صیہونی پولیس فورسز نے بیت المقدس ے علاقے عیساویہ میں ایک ورکشاپ پر حملہ کرتے ہوئے فلسطینی نوجوان علی عبید کو کام کرتے ہوئے گرفتار کر لیا گیا۔