صیہونی فوج کی حمایت سے یہودی آبادکاروں کی ایک بار پھر مسجد الاقصی کی بے حرمتی

?️ 30 دسمبر 2021

سچ خبریں:فلسطینی ذرائع کا کہنا ہے کہ صیہونی آباکاروں کے غاصب فوج کی مدد اور حمایت کے ساتھ مسجد الاقصی پر یلغار کی ہے۔
مرکز اطلاعات فلسیطن کی رپورٹ کے مطابق قابض اسرائیلی فوج کی بھاری نفری کے زیر سایہ تقریبا 165 یہودی آبادکاروں نے مقبوضہ بیت المقدس میں قبلہ اول مسجد اقصیٰ کی بے حرمتی کی اور مسجد کے احاطے کا دورہ کیا۔

مقامی ذرائع کے مطابق یہودی آبادکار مسجد کے المغاربہ دروازے سے مختلف گروپس کی صورت میں داخل ہوئے اور مسجد کے احاطے کی بے حرمتی کی،یادرہے کہ یہودی آبادکار مسجد اقصیٰ کے اپنے دورے کے دوران مبینہ معبد "ٹیمپل ماؤنٹ” کے بارے میں ربی سے لیکچر لیتے ہیں جبکہ دیگر یہودی تلمودی رسومات ادا کرتے ہیں،دریں اثناء اسرائیلی پولیس مسجد اقصیٰ کے دروازوں اور احاطے میں فلسطینی نمازیوں کی آمد ورفت کو محدود کر دیتی ہے۔

یادرہے کہ صیہونیوں کے ہاتھوں آئے دن مسجد الاقصی کی بے حرمتی کیے جانے کے سلسلہ میں فلسطینی عوام کے درمیان شدید غم وغصہ پایا جاتا ہے اور مزاحمتی تحریک نے صیہونیوں کو انتباہ دیتے ہوئے کہا ہےکہ وہ فوری طور پر اپنی جارحیت بند کر دیں ورنہ نتائج کے خود ذمہ دار ہوں گے اس لیے کہ فلسطین کا بچہ بچہ مسجد الاقصی کا دفاع کرنے کے لیے تیار ہے اور سیف القدس کی طاقت ابھی موجود ہے۔