صیہونی آبادکاروں کی ایک بار پھر مسجد الاقصی پر یلغار

?️ 27 جون 2021

سچ خبریں:صیہونی آباد کاروں نے آج اتوار کو صیہونی حکومت کی فوج کی حمایت سے ایک بار پھر مسجد اقصی پر حملہ کیا ۔
فلسطین ٹوڈے کی رپورٹ کے مطابق صیہونی آبادکار صیہونی حکومت کی سبز روشنی میں فلسطینیوں کے تقدس کے خلاف اپنے مخالفانہ اقدامات جاری رکھے ہوئے ہیں،اس سلسلہ میں آبادکاروں نے آج اتوار کو مسجد اقصی پر ایک بار پھر حملہ کیا۔

رپورٹ کے مطابق صہیونی آباد کاروں نے مسجد اقصی پر حملہ کرنے کے بعداس مقدس مقام کے صحن میں اسلام کے خلاف نعرے لگائے،یادرہے کہ مسجد اقصیٰ پر صیہونیوں کے حملے کے بعد ان کے اور فلسطینی شہریوں کے درمیان شدید تصادم ہوا، فلسطینی میڈیا نے اطلاع دی ہے کہ صیہونی کنسیٹ کے ممبر ایتمار بن غفیر مسجد اقصیٰ پر وحشیانہ حملے میں آباد کاروں کے ساتھ تھے۔

واضح رہے کہ ادھر فلسطینی مزاحمتی گروپوں نے اسرائیلی فوجیوں اور آباد کاروں کو مسجد اقصیٰ پر کسی بھی مزید حملے کے خلاف متنبہ کیا ہے،مزاحمتی گروپوں نے اعلان کیا ہے کہ یروشلم کی سیف القدس کی لڑائی کی طرح وہ اب بھی مقدس مقامات کے عہدہ داروں کی جانب سے کو تل ابیب کے ٹھکانوں کو نشانہ بنانے کے حکم پر لبیک کہنے کے تیار ہیں ۔

یادرہے کہ صیہونی جارح حکومت اور فلسطینی مزاحمتی تحریک کے درمیان ہونے والی حالیہ بارہ روزہ جنگ میں صیہونیوں کو ذلت آمیز شکست کا سامنا کرنا پڑا جس سے پوری دنیا میں صیہونیوں کی ذلت اور رسوائی میں مزید اضافہ ہوا جس کے کم کرنے کے لیے وہ آئے دن اشتعال انگیز کاروائیاں کر رہے کہ جبکہ مزاحمتی تحریک نے انتباہ دیا ہے کہ ہمارے ہاتھ ابھی بھی ٹریگر پر ہیں اور سیف القدس پھر ہوسکتی ہے۔