مغربی پٹی کو اسرائیل کے لیے جہنم بنا دو

?️ 15 مئی 2021

سچ خبریں:فلسطین کی مزاحمتی تحریک فتح کی فوجی ونگ نے اپنی افواج سے مطالبہ کیا کہ وہ مغربی کنارے کو صہیونی حکومت کے لئے جہنم میں بدل دیں۔
لبنان کے روزنامہ الاخبار کی رپورٹ کے مطابق تحریک فتح کی فوجی شاخ شہدائے الاقصی بٹالینوں نے مغربی کنارے کے شہروں اور دیہاتوں میں اپنی فوجوں کو الرٹ رہنے کا حکم دے دیا ہے،رپورٹ کے مطابق اقصی شہدا بٹالینوں نے ایک فوجی بیان جاری کیا ہے جس میں اپنی افواج کو تاکید کی گئی ہے کہ وہ بزدل صہیونی آبادکاروں اور بزدل اسرائیلی فوجیوں کو چین سے نہ رہنے دیں۔

شہدائے الاقصی بٹالینوں نے اپنی افواج کو مخاطب کرتے ہوئے کہا کہ وہ مغربی پٹی میں واقع صہیونی بستیوں اور اسرائیلی فوجی ٹھکانوں کو اپنے لئے ایک نشانہ بنائیں اور ان علاقوں کو صیہونیوں کے لیے ناقابل برداشت جہنم بنا دیں ،ادھر ، غزہ کی پٹی کے رہائشیوں نے کل صبح قابض صہیونی فورسز کے ساتھ پُرتشدد تصادم کیا۔

واضح رہے کہ صہیونی عسکریت پسندوں نے مقبوضہ فلسطین اور غزہ کے اندر نیز یروشلم میں صہیونی جارحیت کی مذمت میں غزہ کے رہائشیوں کے مارچ کو نشانہ بنایا،یادرہے کہ اس سلسلے میں حماس کی فوجی وننگ القسام بریگیڈ کے فوجی ترجمان ابو عبیدہ نے مغربی کنارے کے عوام سے صہیونیوں کے پیروں تلے زمین کو جہنم میں بدلنے کا مطالبہ کیا ہے۔

ادھر سرایا القدس کے فوجی ترجمان ابو حمزہ نے بھی مغربی کنارے کے باشندوں سے صیہونی دشمن کے ساتھ جھڑپوں میں تیزی لانے کا مطالبہ کیا جس کے بعد صیہونیوں میں خوف و ہراس کی لہر دوڑ گئی ہے۔