زہران ممدانی ٹرمپ کے مد مقابل،مہاجرین کو دے رہے قانونی تعلیمات

?️ 9 دسمبر 2025

زہران ممدانی ٹرمپ کے مد مقابل،مہاجرین کو دے رہے قانونی تعلیمات

نیویارک کے منتخب میئر زہران ممدانی نے سوشل میڈیا پر ایک ویڈیو جاری کی جس میں انہوں نے تارکینِ وطن (مہاجرین) کو امریکی امیگریشن ادارے (ICE) کے سامنے اپنے قانونی حقوق سے آگاہ کیا۔ انہوں نے بتایا کہ افراد کو حق حاصل ہے کہ وہ افسران سے بات نہ کریں، ان کی ویڈیو بنا سکتے ہیں اور بغیر عدالتی وارنٹ کے انہیں اپنے گھروں یا نجی مقامات میں داخلے کی اجازت نہ دیں۔

یہ ویڈیو مین ہیٹن میں ICE کے چھاپوں اور چائنا ٹاؤن میں ہونے والے احتجاج کے بعد سامنے آئی۔ ممدانی، جو یکم جنوری کو باضابطہ طور پر میئر کا عہدہ سنبھالیں گے، نے وعدہ کیا ہے کہ وہ نیویارک کے تقریباً 30 لاکھ مہاجرین کا تحفظ کریں گے۔

دوسری جانب، صدر ڈونلڈ ٹرمپ نے محفوظ شہ کی پالیسی رکھنے والے شہروں کو دھمکی دی ہے کہ اگر وہ وفاقی امیگریشن حکام کے ساتھ تعاون نہیں کریں گے تو ان کی فنڈنگ بند کر دی جائے گی۔

ممدانی اس کے سخت ناقد ہیں اور کہتے ہیں کہ یہ ادارہ قانون کی روح کے مطابق کام نہیں کرتا۔ تاہم ماہرین کا کہنا ہے کہ میئر کے پاس وفاقی حکومت کو براہ راست روکنے کے اختیارات محدود ہوتے ہیں۔

ممدانی کا کہنا ہے کہ عوام کو صرف ووٹ دینے تک محدود نہیں رہنا چاہیے بلکہ سیاسی عمل میں مسلسل حصہ لینا چاہیے۔