مغربی ممالک فلسطینی شہریوں کو کیا سمجھتے ہیں؟

🗓️ 30 نومبر 2023

سچ خبریں: اقوام متحدہ میں روس کے مستقل مندوب نے آج سلامتی کونسل کے اجلاس میں غزہ کے بارے میں کہا کہ مغرب فلسطینیوں کے ساتھ دوسرے درجے کے شہری جیسا سلوک کرتا ہے۔

الجزیرہ نیوز چینل کی رپورٹ کے مطابق اقوام متحدہ میں روس کے مستقل نمائندے واسیلی نیبنزیا نے اقوام متحدہ کی سلامتی کونسل کے اجلاس میں غزہ پر توجہ مرکوز کرتے ہوئے اپنی تقریر میں کہا کہ مشرق وسطیٰ (مغربی ایشیا) میں جاری موجودہ بحران دنیا میں کئی دہائیوں سے کہیں نہیں دیکھا گیا۔

یہ بھی پڑھیں: مغرب کا اسرائیل اور فلسطین کے ساتھ دوہرا معیار

اس سلسلے میں اقوام متحدہ میں روس کے مستقل نمائندے نے کہا کہغزہ میں عمارتوں کی تباہی اور ہزاروں بچوں کی ہلاکت کے حوالے سے سلامتی کونسل کے ارکان کے پاس کوئی جواب نہیں ہے۔

اس سلسلے میں واسیلی نبنزیا نے مزید کہا کہ مغرب فلسطینیوں کے ساتھ دوسرے درجے کا شہری جیسا سلوک کرتا ہے،ہمیں غزہ کی پٹی میں تنازع کے بعد والے دنوں کے بارے میں سوچنا چاہیے۔

انہوں نے کہا کہ ہمیں 4 جون 1967 کی سرحدوں پر فلسطینی ریاست کے قیام کے مقصد کے ساتھ امن عمل کی طرف واپس آنا چاہیے۔

مزید پڑھیں: غزہ جنگ میں مغربی میڈیا کا رول

یاد رہے کہ گذشتہ ایک مہینے میں صیہونیوں کے ہاتھوں ہزاروں معصوم فلسطینی بچوں کے قتل عام پر اقوام متحدہ سمیت پوری عالمی برادری نے کوئی ٹھوس قدم نہیں اٹھایا صرف ان جرائم کی مذمت کرنے پر ہی اکتفا کی جس کے نتیجہ میں صیہونیوں کی مزید حوصلہ افزائی ہوئی اور انہوں نے فلسطینیوں کی نسل کشی کرنے میں کوئی کسر باقی نہیں چھوڑی۔