مشہور فلسطینی فٹ بال کھلاڑی صیہونی جارحین کے ہاتھوں شہید

?️ 12 مارچ 2024

سچ خبریں: عرب میڈیا نے غزہ کی پٹی پر صیہونی حکومت کے حملوں میں ایک مشہور فلسطینی فٹ بال کھلاڑی کی شہادت کی خبر دی ہے۔

الجزیرہ نیوز چینل کی رپورٹ کے مطابق فلسطین کی قومی ٹیم کے کھلاڑی محمد برکات پیر کے روز غزہ کی پٹی کے جنوب میں واقع خان یونس میں اپنے گھر پر صیہونی جنگی طیاروں کی بمباری کے نتیجے میں شہید ہوگئے۔

یہ بھی پڑھیں: بجلی نہ ہونے کی وجہ سے فلسطینی قومی ٹیم کا والی بال کھلاڑی شہید

یاد رہے کہ بہترین گول مارنے والے اور غزہ کی پٹی کے پہلے کھلاڑی تھے جنہوں نے ایک ٹیم کے لیے 100 گول کیے تھے، انہوں نے مقامی لیگ میں فلسطینی قومی ٹیم اور غزہ فٹ بال کلب کی نمائندگی کی۔

اس 39 سالہ فلسطینی کھلاڑی نے کم از کم 114 گول کیے اور خان یونس کے لیجنڈ کے نام سے مشہور ہوئے کیونکہ وہ طویل عرصے سے خان یونس یوتھ کلب سے وابستہ تھے،وہ مغربی کنارے اور اردن کے کلبوں میں بھی کھیلے۔

مزید پڑھیں: حماس نے فٹ بال کھلاڑی کے شہادت شہادت طلبانہ آپریشن کا خیر مقدم کیا 

سرکاری اطلاعات اور اعدادوشمار کے مطابق گزشتہ سال 7 اکتوبر سے غزہ کی پٹی اور مغربی کنارے میں 90 فٹ بال کھلاڑیوں سمیت شہید کھلاڑیوں کی تعداد 157 تک پہنچ گئی ہے۔