مادورو کی گرفتاری کے بعد وینزویلا کے خلاف مزید کارروائی کا کوئی ارادہ نہیں

?️ 4 جنوری 2026

مادورو کی گرفتاری کے بعد وینزویلا کے خلاف مزید کارروائی کا کوئی ارادہ نہیں

امریکی سینیٹر مائیک لی نے دعویٰ کیا ہے کہ امریکی وزیر خارجہ مارکو روبیو نے انہیں آگاہ کیا ہے کہ وینزویلا کے صدر نکولس مادورو کو حراست میں لے لیا گیا ہے اور ان پر فوجداری الزامات کے تحت مقدمہ چلایا جائے گا، جبکہ اس کے بعد وینزویلا کے خلاف کسی نئی کارروائی کا امکان نہیں ہے۔

یہ رپورٹ اناطولی کے حوالے سے شائع کی، سینیٹر مائیک لی نے کہا کہ انہوں نے گزشتہ رات ہونے والی کارروائی کے بعد براہِ راست وزیر خارجہ مارکو روبیو سے بات کی۔ ان کے مطابق روبیو نے بتایا کہ مادورو کو امریکی فورسز نے گرفتار کیا تاکہ انہیں امریکہ میں فوجداری الزامات کا سامنا کرایا جا سکے۔

سینیٹر لی نے سوشل میڈیا پلیٹ فارم ایکس (سابق ٹوئٹر) پر لکھا کہ گزشتہ شب کی کارروائی کا مقصد ان اہلکاروں کا تحفظ تھا جو گرفتاری کے وارنٹ پر عملدرآمد کر رہے تھے۔ ان کے بقول، یہ اقدام ممکنہ طور پر امریکی صدر ڈونلڈ ٹرمپ کے آئینی اختیارات، خصوصاً آئین کے آرٹیکل دوم کے تحت، امریکی فورسز کو کسی فوری یا ممکنہ حملے سے بچانے کے دائرے میں آتا ہے۔

لی نے مزید کہا کہ روبیو کے مطابق، اب جبکہ مادورو امریکی تحویل میں ہیں، وینزویلا میں مزید کسی فوجی یا میدانی کارروائی کی توقع نہیں کی جا رہی۔

یہ بیانات اس کے بعد سامنے آئے جب سابق صدر ڈونلڈ ٹرمپ نے اعلان کیا کہ امریکہ نے وینزویلا کے خلاف ایک وسیع کارروائی کامیابی سے انجام دی ہے اور دعویٰ کیا کہ مادورو اور ان کی اہلیہ کو گرفتار کر کے ملک سے باہر منتقل کر دیا گیا ہے۔

دوسری جانب، وینزویلا کے حکام نے صدر تک رسائی نہ ہونے کی تصدیق کرتے ہوئے امریکہ سے مطالبہ کیا ہے کہ وہ مادورو کے زندہ ہونے کے شواہد پیش کرے۔ کاراکاس نے الزام عائد کیا ہے کہ واشنگٹن کی کارروائیوں کا مقصد ایک کٹھ پتلی حکومت قائم کرنا اور وینزویلا کے تیل کے وسائل پر کنٹرول حاصل کرنا ہے۔