سچ خبریں:حزب اللہ کے سکریٹری جنرل سید حسن نصراللہ نے لبنان کے آئندہ پارلیمانی انتخابات کی اہمیت پر زور دیتے ہوئے اعلان کیاکہ وہ انتخابات میں حصہ لیں گےاور متحدہ جماعتوں کی حمایت کریں گے۔
النشرہ نیوز ایجنسی کی رپورٹ کے مطابق حزب اللہ کے سکریٹری جنرل سید حسن نصر اللہ نے لبنان کے آئندہ انتخابات کے حوالے سے پارٹی کارکنوں کے ساتھ ایک اندرونی اجلاس سے خطاب کیا،رپورٹ کے مطابق، سید حسن نصر اللہ نے آنے والے انتخابات کو اہم اور خطرناک سیاسی لڑائیوں میں سے ایک قرار دیا۔
انہوں نے ووٹر ٹرن آؤٹ بڑھانے کی کوششوں پر زور دیتے ہوئےکہا کہ ہم اپنی پارٹی کے امیدواروں کی حمایت کریں گے، ہم اتحادی امیدواروں کے لیے کام کریں گے، انہوں نے 2006 میں لبنان کے ساتھ اسرائیل کی 33 روزہ جنگ جسے جولائی کی جنگ کہا جاتا ہے، کا حوالہ دیتے ہوئے کہاکہ تجربے نے ہمیں سکھایا ہے کہ ہم کسی بھی حکومت سے باہر نہیں رہ سکتے، ۔”
سید حسن نصراللہ نے کہا کہ لبنان کی حکومت اور پارلیمنٹ میں ہماری موجودگی مزاحمتی تحریک کی حمایت کے لیے ضروری ہے،چاہے ہم کسی ایسی حکومت میں ہوں جہاں یہ حکومت اور اس کا سربراہ ہمارے خلاف ہو اور چاہے ہم پر بدعنوانوں کا ساتھ دینے کا الزام ہو ہمیں کوئی فرق نہیں پڑتا۔
