لاوروف کے ساتھ عراقچی کی فون پر بات چیت؛ جنگ کے خاتمے میں مدد کی پیشکش

سچ خبریں:ایران کے وزیر خارجہ سید عباس عراقچی اور روس کے وزیر خارجہ سرگئی لاوروف کے درمیان جمعہ کی رات ایک اہم ٹیلی فونک رابطہ ہوا، جس میں علاقائی اور بین الاقوامی پیش رفت پر تفصیلی تبادلہ خیال کیا گیا۔

ذرائع کے مطابق، اس ٹیلی فونک گفتگو میں ایرانی وزیر خارجہ نے امریکہ اور صہیونی حکومت کی جانب سے ایران کے خلاف جاری جارحانہ جنگ کے خاتمے اور خطے میں امن کے قیام کے حوالے سے ایران کے موقف اور اقدامات سے لاوروف کو آگاہ کیا۔

جواب میں روسی وزیر خارجہ نے ایران کے خلاف فوجی جارحیت کی مذمت میں اپنے ملک کے اصولی موقف کو یاد دلاتے ہوئے، اس جارحانہ جنگ کے خاتمے اور خطے میں امن کے قیام کے لیے ہر قسم کی مدد فراہم کرنے پر روس کی آمادگی پر زور دیا۔