فلسیطنیوں کا قتل عام ٹرمپ انتظامیہ کا شاہکار

سچ خبریں:امریکی صدر ڈونلڈ ٹرمپ کی انتظامیہ نے غزہ میں جنگ بندی کے خاتمے اور فلسطینی شہریوں کے قتل عام کو اپنی کامیابیوں کی فہرست میں شامل کر لیا ہے، جس پر بین الاقوامی سطح پر شدید تنقید ہو رہی ہے۔  

یہ بھی پڑھیں:غزہ میں انسانیت کی موت دنیا کی نظروں کے سامنے

 ٹرمپ انتظامیہ نے ایک اندرونی ای میل میں غزہ میں عارضی جنگ بندی کو اپنی کامیابی قرار دیا، حالانکہ یہ جنگ بندی ٹرمپ کے صدر بننے سے پہلے طے پائی تھی اور اب مکمل طور پر ختم ہو چکی ہے۔

 ای میل میں دعویٰ کیا گیا کہ ٹرمپ نے ایک امریکی شہری سمیت قیدیوں کی رہائی کو یقینی بنایا، جو جو بائیڈن نہیں کر سکے۔

 تاہم، حقیقت یہ ہے کہ اسرائیل نے اس جنگ بندی کو مسلسل توڑا اور دوبارہ خونریز کارروائیوں کا آغاز کیا۔

 ٹرمپ نے غزہ سے فلسطینیوں کو زبردستی نکالنے کی تجویز دی ہے، جسے عرب ممالک اور انسانی حقوق کی تنظیموں نے نسلی صفائی (Ethnic Cleansing) قرار دیا ہے جبکہ انسانی حقوق کے گروپس کا کہنا ہے کہ یہ فلسطینیوں کو جبری بے گھر کرنے کی کوشش ہے۔

 اسرائیلی فوج نے 18 مارچ سے دوبارہ جنگ شروع کر کے 1,042 سے زائد فلسطینی شہریوں کو شہید کر دیا ہے،اقوام متحدہ اور بین الاقوامی برادری نے اسرائیلی جارحیت کی مذمت کی ہے، لیکن امریکہ کھلم کھلا اسرائیل کی حمایت کر رہا ہے۔

 فلسطینی رہنماوں نے کہا کہ امریکہ اسرائیل کے جنگی جرائم کا حصہ بن چکا ہے،انسانی حقوق کی تنظیموں نے وائٹ ہاؤس کے بیان کو مکروہ اور غیراخلاقی قرار دیا،عرب لیگ نے خبردار کیا ہے کہ فلسطینیوں کے خلاف صفائی کی کسی بھی کوشش سے خطے میں جنگ بھڑک سکتی ہے۔

مزید پڑھیں:غزہ اور لبنان میں ہولناک صیہونی جرائم پر انصار اللہ کا ردعمل

ٹرمپ انتظامیہ کا غزہ کی تباہی کو اپنی کامیابی بتانا دنیا بھر میں اخلاقی اور سیاسی طور پر مسترد کیا جا رہا ہے، اسرائیل کی حمایت میں امریکہ کا یہ موقف بین الاقوامی قوانین اور انسانی حقوق کی کھلی خلاف ورزی ہے۔