سچ خبریں:بیت المقدس میں مقیم ایک فلسطینی کارکن کا کہنا ہے کہ صہیونی مقبوضہ بیت المقدس کے خلاف متعدد کاروائیوں کی تیاری کر رہے ہیں۔
بیت المقدس میں مقیم ایک فلسطینی کارکن فخری ابو دیاب کا کہنا ہے کہ صیہونی آبادکار فلسطین پر قبضے کی برسی جسے صیہونی آزادی کے نام سے یاد کر رہے ہیں،کے موقع پر مقبوضہ بیت المقدس میں پرچم کے نام سے ایک بڑا مارچ منعقد کرنے کی کوشش کر رہے ہیں۔
ابو دیاب نے الرسالہ نیٹ کے ساتھ گفتگو کرتے ہوئے کہا کہ ایتمار بن گوئر فلیگ مارچ کے انعقاد اور بیت المقدس میں کشیدگی بڑھانے کے ذمہ دار صہیونیوں کا سرغنہ ہے۔
انہوں نے اس بات کی طرف اشارہ کیا کہ صیہونی غاصب حکومت اور اس کی موجودہ کابینہ اس دن کو اپنے مفادات میں استعمال کرنے کی کوشش کر رہی ہے جبکہ بن گوئر اور اسموٹریچ کی قیادت میں مذہبی صہیونیت تحریک اس دن کشیدگی ایجاد کرنے کی کوشش کر رہی ہے۔
اس فلسطینی کارکن نے کہا کہ صیہونی حکومت دائیں بازو کی موجودگی کو ثابت کرنے کے لیے اس دن کی تقریبات اور پروگراموں کی حمایت کرے گی،فخری ابودیاب نے کہا کہ یہ دن صیہونی حکومت کے منصوبوں اور پروگراموں کے مطابق قدس کے مشکل ترین دنوں میں سے ایک ہو گا اور اس کا مقابلہ فلسطینیوں کی عام جمعیت اور مسجد اقصی میں وسیع موجودگی کے ساتھ کرنا ہوگا۔