سچ خبریں:فلسطینیوں نے متعدد نرسوں، طبی عملے اور طبی خدمات کی شرکت کے ساتھ فلسطینی وزارت صحت کی دعوت پر رام اللہ میں اقوام متحدہ کے دفتر کے سامنے ایک احتجاجی ریلی نکالی۔
اس احتجاجی ریلی میں فلسطینی وزیر صحت مے الکیلا نے اس تنظیم کے بورڈ کو اقوام متحدہ کے سیکرٹری جنرل انتونیو گوتریس کے نام ایک احتجاجی نوٹ پیش کیا۔
قبل ازیں صہیونی میڈیا نے اطلاع دی تھی کہ ہیگ میں بین الاقوامی فوجداری عدالت بدھ کو فلسطینیوں کی شکایات آن لائن وصول کرے گی۔
فلسطینی خبر رساں ایجنسی وفا کی رپورٹ کے مطابق فلسطینی وزارت صحت نے اپنے احتجاجی مراسلے میں قابض حکومت اور صیہونی آباد کاروں کے نسل پرستانہ اقدامات کو روکنے کے لیے فوری اقدام کی ضرورت پر زور دیا ہے۔
اس نوٹ میں انہوں نے کہا کہ قابض فوج اور آباد کاروں نے فلسطینی شہریوں پر وحشیانہ حملے کیے اور انہیں ان کے بنیادی حقوق سے محروم رکھا۔
