فلسطینی مجاہدین کے ہاتھوں صیہونی ٹینکوں کا حشر

?️ 7 جنوری 2024

سچ خبریں: القسام کے مجاہدین نے غزہ کی پٹی میں صیہونی فوج کے ساتھ لڑائی کے تازہ ترین دور میں صیہونی اہلکاروں کا ایک جہاز تباہ کر دیا۔

فلسطینی ذرائع ابلاغ کی رپورٹ کے مطابق حماس کی عسکری شاخ کی شہید عزالدین القسام بٹالینز نے آج طوفان الاقصیٰ کی لڑائی کے 93ویں دن ایک بیان جاری کرتے ہوئے اعلان کیا ہے کہ اس نے یاسین 105 میزائل سے صیہونی فوج کی ایک بکتربند گاڑی کو مکمل طور پر تباہ کردیا ہے جس میں تقریباً 11 فوجی اہلکار سوار تھے۔

یہ بھی پڑھیں: غزہ جنگ میں ہمیشہ کے لیے معذور ہونے والے صیہونی فوجی

دوسری جانب حماس کی عسکری ونگ کی القسام بٹالینز نے المغازی کیمپ میں قابض اسرائیلی فوج اور فوجی ساز و سامان کو بھاری مارٹر گولوں سے نشانہ بنایا۔

مزید پڑھیں: اسرائیلی فوج کامیابی کے بغیر غزہ چھوڑنے پر مجبور ہوگی: برگمین

درایں اثنا طوفان الاقصیٰ کی جنگ کے 92ویں دن، القسام کے مجاہدین نے 8 صیہونی بکتر بند گاڑیوں کو مکمل اور جزوی طور پر تباہ کرنے اور 28 اسرائیلی افسروں اور فوجیوں کے ہلاک اور زخمی ہونے کا اعلان کیا جبکہ صیہونی حکام نے اس بارے میں ابھی تک کچھ نہیں کہا، یاد رہے کہ صیہونی غزہ میں ہلاک ہونے والے فوجیوں کے اصلی اعداوشمار کبھی بیان نہیں کرتے۔